ޖަޕާނުން ޖަރުމަނު ލަދުގަންނަވާލައިފި
މިރޭ ޖަރުމަނުން ޖަޕާނާ ދެކޮޅަށް ކުޅުނު މެޗު، 2-1ގެ ނަތީޖާއަކުން ޖަޕާނު މޮޅުވެއްޖެއެވެ.
މިރޭގެ މެޗްގައި ފުރަތަމަ ލަނޑު ޖަހާފައިވަނީ ޖަރުމަނުންނެވެ. ނަމަވެސް ފަހަތުން އަރާ ދެ ލަނޑު ޖަހާ، މެޗުގެ ލީޑް ޖަޕާނުންވަނީ ނަގާފައެވެ.
ޖަރުމަނުގެ ފުރަތަމަ ގޯލް ޖަހާފައިވަނީ މެޗުގެ 33 ވަނަ މިނެޓްގައެވެ. އެއީ ޕެނަލްޓީއަކުން ލިބުނު ގޯލްއެކެވެ.
ފުރަތަމަ މެޗު ނިމިގެން ދިޔައީ ޖަރުމަނު ކުރީގައިއޮވެއެވެ. މެޗުގެ ނަތީޖާ ހަމަހަމަކޮށްފައިވަނީ 75 ވަނަ މިނެޓްގައި ބަދަލު ކުޅުން ތެރިއެއްގ ގޮތުގައި ނުކުތް ރިޓްސޫ ޑޮއާއެވެ.
މެޗުގެ ލީޑް ނެގި ގޯލް ޖަޕާނުން ޖަހާފައިވަނީ މެޗުގެ 83 ވަނަ މިނެޓްގައެވެ. އެ ގޯލް ކާމިޔާބުކޮށްދީފައިވަނީ ޖަޕާނުގެ ޓަކޫމާ އަސާނޯއެވެ.
މިރޭ ދެން އޮންނާނީ ސްޕެއިންނާއި ކޯސްޓަރިކާ ބައްދަލު ކުރާ މެޗެވެ. އެ މެޗް އޮންނާނީ 9 ޖަހާއިރުއެވެ.
މިއީ ވޯލްޑް ކަޕްގެ ތާރީހުގައި ވެސް ފަހަތުން އަރައި ޖަޕާނުން ހޯދި ފުރަތަމަ މޮޅެވެ. އަދި މިއީ ވޯލްޑް ކަޕްގެ ފުރަތަމަ މެޗުން ޖަރުމަނު ޖެހިޖެހިގެން ބަލިވި ދެވަނަ ފަހަރެވެ. މިދިޔަ އަހަރުގެ ވޯލްޑް ކަޕްގެ ފުރަތަމަ މެޗުން ޖަރުމަނު ބަލިވީ މެކްސިކޯ އަތުން 1-0 އިންނެވެ.
