ސަމަރު ބްލޫ އިބްރާހީމް މަނިކު އަވަހާރަވެއްޖެ

ބްރޯޑްކާސްޓިން ލައިފްޓައިމް އެޗީވްމަންޓް އެވޯޑް ދާދި ފަހުން ލިބިވަޑައިގެންނެވި، ކުރީގެ އިންފޯމޭޝަން މިނިސްޓަރު ސަމަރުބްލޫ އިބްރާހީމް މަނިކު (ސަމަރޭ) މިއަދުގެ ވަގުތެއްގައި އަވަހާރަވެއްޖެއެވެ.

މަޢުލޫމާތު ލިބިފައިވާ ގޮތުގައި އިބްރާހިމް މަނިކު އަވަހާރަވީ، ބެންގަލޫރުގެ ހޮސްޕިޓަލެއްގައި ފަރުވާ ދެމުން ދަނިކޮށް މިއަދުގެ ހެނދުނުގެ ވަގުތެއްގައެވެ.

ދިވެހި ރާއްޖޭގެ އަޑާއި ޓީވީއެމްއަށް ގިނަ ގުނަ ހިދުމަތްތަކެއް ކޮށްދެއްވާފައިވާ އިބްރާހީމް މަނިކަށް، ބްރޯޑްކާސްޓިން ކޮމިޝަނުން ދޭ، ބްރޯޑްކާސްޓިން ލައިފްޓައިމް އެޗީވްމަންޓް އެވޯޑް ލިބިވަޑައިގަތީ މިދިޔަ ސެޕްޓެމްބަރު މަހުއެވެ.

އިބްރާހީމް މަނިކުގެ ތިން ދަރިންނާއި އަނބިކަނބަލަކު ދުނިޔޭގައި އެބަ ތިއްބެވިއެވެ.