ޖީ20ގެ ފެށުން: މޯދީ ގޮވައިލެއްވީ ހަނގުރާމަތައް ހުއްޓާލާ ސުލްހަވުމަށް
ހަނގުރާމަ ހުއްޓާލައި ސުލްހަވުމަށަ އިންޑިއާގެ ބޮޑުވަޒީރު ނަރެންދުރަ މޯދީ ގޮވާލައްވައިފިއެވެ.
ތެލާއި ތަކެތީގެ އަގު އުފުލިގެން ދިއުމުގެ ސަބަބުން އެ ގައުމުގެ އިގްތިސާދު ހީނަރުވެފައިވީ ނަމަވެސް، ހަނގުރާމައިގެ މައްސަލާގައި ރަޝިއާއިން ފާޅުގައި ކުށްވެރިކުރަން އިންޑިއާ އިން ފަސްޖެހެއެވެ.
މޯދީ ވަނީ މިދިޔަ ސެޕްޓެމްބަރު މަހު ބޭއްވި ސަރަހައްދީ ބޮޑު ސަމިޓުގެ ހަވާސާގައި ރަޝިއާގެ ރައީސް ލަޑިމިއާ ޕޫޓިންއާ ބައްދަލުކުރައްވާ ކާބޯތަކެއްޗާއި ގަސްކާނާއާއި ތެޔޮ ލިބުމުގައި ހުރި ދަތިތައްފަދަ މުހިންމު ކަންކަމުގެ ކަންބޮޑުވުންތައް ހުއްޓައި، މިއީ ހަނގުރާމަކުރަންވީ ވަގުތެއް ނޫންކަމަށް ވިދާޅުވެފައެވެ.
އުޒްބެކިސްތާނުގައި ކުރިޔަށްދިޔަ ސަރަހައްދީ ސަލާމަތާގުޅޭ ސަމިޓްގެ ހަވާސާގައި ދެ ބޭފުޅުން ބައްދަލުކުރައްވައި ދެއްކެވި ވާހަކަފުޅުގައި، މޯދީ ވިދާޅުވީ މިއީ ހަނގުރާމަކުރާ ޒަމާނެއް ނޫންކަމަށެވެ. މިކަން މީގެ ކުރިންވެސް ފޯނުން ޕުޓިންއާ ވާހަކަދެއްކެވިއިރު ފާހަގަކޮށްފައިވާނެކަމަށެވެ. މޯދީ ވިދާޅުވީ ދުނިޔެ އެއް ބައެއްގެ ގޮތުގައި ކުރިޔަށްދާނީ ޑިމޮކްރަސީއާއި ޑިޕްލޮމަސީ ވާހަކަދައްކައިގެންކަމަށެވެ.
“މިއަދު އަހަރެމެން ދިރިހުރުމަށްޓަކައި ހަނގުރާމަކުރާކަށް ނުޖެހޭ. މި ޒަމާނަކީ ހަނގުރާމައިގެ ޒަމާނަކަށް ވާން ނުޖެހޭ" މޯދީ ބުނެފައިވެއެވެ.
ރަޝިއާ އަކީ މިހާތަނަށް އިންޑިއާގެ އެންމެ ބޮޑު ހަތިޔާރު ސަޕްލައިކުރާ ގައުމެވެ.
