ކައުންސިލްތައް ބާރުވެރި ކުރުވުމަށް އިޙްލާސްތެރި މަސައްކަތްތަކެއް ކުރީ ހަމައެކަނި މި ސަރުކާރުން: ރޮޒައިނާ

ކައުންސިލުތައް ބާރުވެރި ކުރުވުމަށް އިޙްލާސްތެރި މަސައްކަތްތަކެއް ކުރެއްވީ ހަމައެކަނި މި ސަރުކާރުން ކަމަށް އައްޑޫ ސިޓީ މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.

Ads by Hajj Corporation

ރައީސް އިބްރާހީމް މުޙައްމަދު ޞާލިޙު ޓެގް ކުރައްވައި، ރޮޒައިނާ ކުރެއްވި ޓްވީޓުގައި ވިދާޅުވީ މުޅި ރާއްޖޭގެ ކުރިއެރުމަށްޓަކައި 2023 ވަނަ އަހަރު ވެރިކަން ދޭން ޖެހޭ ފަރާތަކީ ރައީސް ޞާލިޙު ކަމަަށެވެ.

އަންނަ މަހުން ފެށިގެން އެއްގަމުުގައި ދުއްވާ އަދި ކަނޑު އުޅަނދުތަކުގެ އަހަރީ ފީ ކައުންސިލްތަކަށް ދައްކަން ޖެހޭ ގޮތަށް ކަނޑައެޅުމާ ގުޅިގެންނެވެ.

ފިނޭންސް މިނިސްޓްރީން ނެރުއްވި، މާލިއްޔަތާއިބެހޭ ސާކިއުލާއެއްގައި ވިދާޅުވެފައި ވަނީ، މިހާރު އުޅަނދުތަކުގެ އަހަރީ ފީ ބަލައިގަންނަ މޯލްޑިވްސް އިންލޭންޑް ރެވެނިއު އޮތޯރިޓީ (މީރާ)އިން އެ ހިދުމަތް ދެމުން އަންނަނީ މިއަހަރުގެ ނިޔަލަށް ކަމަށެވެ.

އަންނަ އަހަރު ފެށުމަށް ފަހު އެ ފީ ބަލައިގަންނާނީ މިނިސްޓްރީ އޮފް ޓްރާންސްޕޯޓު އެންޑު ސިވިލް އޭވިއޭޝަނުން ތައްޔާރުކޮށްފައިވާ ސިސްޓަމެއްގެ ތެރެއިން ކައުންސިލްތަކުން ކަމަށްވެސް ފިނޭންސް މިނިސްޓްރީން ވިދާޅުވިއެވެ.

އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނަށް އިސްލާހު ގެނައުމުގެ ބިލު މިވެރިކަމުގައި ރައްޔިތުންގެ މަޖިލީހުން ވަނީ ފާސްކުރައްވައިފައެވެ. ލާމަރުކަޒީ ޤާނޫނަށް އިޞްލާޙު ގެންނަވަން ބޭނުންފުޅުވާ މައިގަނޑު މަޤްޞަދުތަކާއި ބެހޭގޮތުން ވާހަކަފުޅު ދައްކަވަމުން ރައީސް ޞާލިޙު މީގެ ކުރިން ވިދާޅުވެފައިވަނީ ލާމަރުކަޒީ ޤާނޫނަށް މިފަދަ އިޞްލާޙް ތަކެއް ގެންނެވުމުގެ މައިގަނޑު މަޤްޞަދަކީ މާލީ ގޮތުންނާއި ވަސީލަތްތަކުގެ ގޮތުން، ކައުންސިލްތައް ބާރުވެރިކުރުވުމާއި މަރުކަޒީ ސަރުކާރަށް ބަރޯސާވުން ކުޑަކުރުމާއި، ޤުދުރަތީ އަދި ޢުމްރާނީ ވަސީލަތްތަކާ މެދު މާނަވީ ގޮތެއްގައި ގޮތް ނިންމުމުގެ ބާރު، ރައްޔިތުންނަށް ދިނުމާއި ޚިދުމަތްތަކާއި ތަރައްޤީގެ ކަންކަން އަވަސް މިނުގައި ކުރިއަށް ގެންދެވުން ކަމުގައެވެ.