އެމްޑީޕީގެ އެތެރޭގެ އިންތިޚާބު މެއި 29ގައި
ސަރުކާރު ހިންގާ މައި ޕާޓީ އަދި ރާއްޖޭގައި ފުރަތަމަ އުފެދުނު ޕާޓީ ، މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ އެތެރޭގެ އިންތިޚާބު މެއި މަހުގެ 29 ވަނަ ދުވަހު ބާއްވަން ނިންމައިފައި ވާ ކަމަށް އެ ޕާޓީން ހާމަ ކޮށްފިއެވެ.
އެ ޕާޓީއިން ކޮށްފައިވާ އިއުލާނެއްގައި ބުނެފައިވާ ގޮތުގައި މި އިންތިހާބުގައި ވޯޓުލުމަށް ހަމަޖެހިފައި ވަނީ ދާއިރާތަކުގައި ހިމެނޭ އެޕާޓީގެ އާންމު މެންބަރުންނެވެ. އަދި އިންތިހާބުގައި ވޯޓުލެވޭނީ މިއަދު ، 18 އޭޕްރީލް 2021 (އާދީއްތަ) ދުވަހާ ހަމައަށް އެ ޕާޓީގެ މެންބަރުންގެ ގޮތުގައި ހިމެނިފައިވާ ފަރާތްތަކަށެވެ
ހަމަ އެހެންމެ އިންތިޚާބާ ގުޅިގެން އެ ޕާޓީއިން މެންބަރޝިޕް ފޯމުތައް ބަލައިގަތުން ވަގުތީ ގޮތުން ހުއްޓާލައިފައިވާ ކަމަށް ވެސް މައުލޫމާތު ދީފައި ވެއެވެ.
އެމްޑީޕީގެ އެތެރޭގެ އިންތިޚާބަށް ދައުލަތުގެ މަތީ މަގާމުތަކުގައި ތިއްބވި ބައެއް ބޭފުޅުން ވެސް ވަނީ ކުރިމަތިލައްވާފައެވެ. އެމްޑީޕީގެ އެތެރޭގެ އިންތިހާބަކީ އަބަދުވެސް ވަރަށް ފޯރިގަދަ އިންތިހާބެކެވެ. ވަކިން ހާއްސަކޮށް ދާއިރާތަކުގެ ރައީސުންނާއި ޕްރޮވިންސްތަކުގެ ރައީސުންގެ މަގާމުތަކަކީ ވާދަވެރި މަގާމުތަކެކެވެ.
ކޮމެންޓް