އަމާޒަކީ އޮފީހާ ހަމައަށް މައުލޫމާތައް އެދިގެން އެއްވެސް މީހަކު އަންނަން ނުޖެހޭ ވަރުކޮށްދިނުން: ޕީޖީ
އަމާޒަކީ ޕްރޮސިކިއުޓާ ޖެނެރަލްގެ އޮފީހަށް މައުލޫމާތު ހޯދަން އެއްވެސް މީހަކު އައުމަށް ފުރުސަތު ނުދިނުން ކަމަށާއި، އެ އޮފީހުން އިސްވެ މައުލޫމާތު ހާމަކުރާނެ ކަމަށް ޕީޖީ ހުސެއިން ޝަމީމް މިއަދު ވިދާޅުވެއްޖެއެވެ.
Ads by Hajj Corporation
ޝަމީމް މިހެން ވިދާޅުވީ ޕްރޮސެކިއުޓަރ ޖެނެެރަލްގެ އޮފީހުގެ ވެބްސައިޓާއި ނިއުސް ލެޓަރ އިފްތިތާޙުކުރުމަށް މިއަދު ބޭއްވި ރަސްމިއްޔާތުގައެވެ.
ޕީޖީ އޮފީހުގައި ބޭއްވި މި ރަސްމިއްޔާތުގައި ޝަމީމް ވިދާޅުވީ ޕީޖީ އޮފީހުގެ އެންމެ ބޮޑު އަމާޒަކީ މައުލޫމާތު ހާމަކޮށް އިސްވެ މައުލޫމާތު ދިނުން ކަމަށެވެ. އަދި މި ވެބްސައިޓަކީ އެގޮތުން އެ އޮފީހާއި ހަމައަށް މައުލޫމާތައް އެދިގެން އެއްވެސް މީހަކު އަންނަން ނުޖެހޭނެ ވަރުކޮށްދޭން ކުރާ މަސައްކަތުގެ ފިޔަވަޅެއްކަން ފާހަގަކުރެއްވިއެވެ.
ޝަމީމް ވިދާޅުވީ ޕީޖީ ވިދާޅުވިގޮތުގައި އިސް މަގާމުތަކުގައި ތިއްބަވާ ބޭފުޅުން ޒިންމާދާރުކޮށް، ޖަވާބުދާރީ ކުރުވޭނީ ވެސް އެކަށީގެންވާ ގޮތެއްގައި މައުލުމާތުތައް ހާމަކުރެވިގެން ކަމަށެވެ.
ޕީޖީ އޮފީހުން ވަނީ “އުންސުރު”ނަމުގައި ނިއުސް ލެޓަރއެއް އިފްތިތާހުކޮށްދެއްވާފައެވެ. އެ ވެބްސައިޓަކީ ޕީޖީގެ މަސައްކަތްތަކުގެ އެންމެފަހުގެ ތަފާސް ހިސާބުތައް ފެންނަން ހުންނަ ވެބްސައިޓެކެވެ. މި ވެބްސައިޓްގެ ބޭނުމަކީ ޕީޖީ އޮފީހުން މަޢުލޫމާތުތައް ހިފަހައްޓައި ސިއްރުކުރުމުގެ ބަދަލުގައި މަޢުލޫމާތުތައް ދޫކޮށްލުންކަމަށް ޕީޖީ ވިދާޅުވިއެވެ.
Ads by Allied Insurance
