އެމްޑީޕީން ވަކި ކުރީ ރައީސް ޞާލިޙަށް ވޯޓް ނުދޭނެ މީހުން: ރައީސް ނަޝީދު
އެމްޑީޕީގެ ދަފްތަރުން ވަކިކުރި މީހުންނަކީ ރައީސް އިބްރާހިމް މުހައްމަދު ސޯލިހަށް ތާއީދުނުކުރާތީ ވަކި ކުރި ބައެއް ކަމަށް އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ތުހުމަތު ކުރައްވައިފިއެވެ.
ރައީސް ނަޝީދު މިފަދަ ތުހުމަތެއް ކުރައްވާފައި މިވަނީ އެމްޑީޕީގެ ދަފްތަރުން އުނިކުރި މީހުންގެ ތެރެއިން 17،156 މީހުންނަކީ އެހެން ޕާޓީތަކަށް ނިސްބަތްވާތީ އުނިކުރި ބައެއް ކަމަށް އެމްޑީޕީގެ ޑެޕިއުޓީ ޗެއާޕާސަން އިބްރާހީމް ވަހީދު ވިދާޅުވެފައި ވަނިކޮށެވެ.
އެމްޑީޕީގެ ދަފްތަރުގެ މައްސަލައިގައި ރައީސް ނަޝީދު މިއަދު އިނގިރޭސި ބަހުން ކުރެއްވި ޓްވީޓެއްގައި ވިދާޅުވީ އެމްޑީޕީގެ އިންތިހާބުތަކަކީ އަބަދުވެސް މިނިވަން އަދި އިންސާފުވެރި އިންތިހާބުތަކެއް ކަމަށެވެ.
ނަމަވެސް ނިމިދިޔަ އެއް އަހަރު ތެރޭގައި ރައީސް ސޯލިހް ވަނީ އެމްޑީޕީގެ ހަގީގީ މެމްބަރުންގެ ތެރެއިން ގާތްގަނޑަކަށް 39،000 މެމްބަރުން ޕާޓީން ވަކިކޮށްފައި ކަމަށް ތުހުމަތުކުރެއްވިއެވެ. އަދި ވަކިކޮށްފައިވަނީ ރައީސް ސޯލިހަށް ވޯޓު ދޭނެ ކަމަށް ނުފެންނަ މެމްބަރުން ކަމުގައިވެސް ވިދާޅުވިއެވެ.
ރައީސް ނަޝީދު މީގެކުރިން އެމްޑީޕީގެ ޗެއާޕާސަން ފައްޔާޒު އިސްމާއީލަށް ފޮނުއްވި ސިޓީއެއްގައި ވެސް ވަނީ އެމްޑީޕީގެ ދަފްތަރު ގަނޑުބަނޑުކޮށްފައިވާ ކަމަށް ވިދާޅުވެ ކަންބޮޑުވާ ކަންތައްތަކެއް ފައްޔާޒުގެ ސަމާލުކަމަށް ގެންނަވާފައެވެ.
ޢއެމްޑީޕީ ން ބަޔަކު ވަކިނުކުރޭ. ދަފްތަރުނ އުނިކުރީ އެމްޑީޕީ މެމްބަރުންނެއްނޫން. އެހެން ޕާޓީތަކުގެ މީހުން އެމްޑީޕީ ދަފްތަރުގަ ޖަހައިގެން ނަސީދު ބޭނުންވާ ބަޔަކު ހޮވުމަށް ވަގުވޯޓް ލާން ގެންގުޅޭ 17000 މީހުން. އެއީމަގޜނަންވެސް އެ ދަފްތަރުގަ ެއޮތް މަށަކީ ދުވަހަކުވެސް އެމްޑީޕީ އަށް ފޯމެއް ފުރި މީހެއްނޫން. އެޕާޓީއަށް ވަން މީހެއްވެސް ނޫން. މަގޭނަމުގަ މިމީހުން ހުްނަނީ ވޮޓްލާފަ މިނަސީދަކީ ބޮޑުވަގެއް.
ނަޝީދު އަބަދުވެސް ބައްލަނީ ކޮންމެވާހަކައެއް ދެއް ކެވިއަސް ފިތުނައެއް އުފެދޭގޮތަށް ދެއްކެވުމެވެ. ކަމެއް ކުރެއްވިއަސް ދަނީ މިކަހަލަ ގޮތަކަށެވެ. ދަންނަވަން އޮތީ ގަބޫލު ކުރެއްވިއަސް ނުކުރެއްވިއަސް ޕްރައިމަރީގަވެސް އަދި ރައްޔިތުންގެ ވޯޓުގަވެސް ނަސީދު ހޮވޭވަރަށް ވޯޓުދޭނެ ބަޔަކު މިރާއްޖެއަކު ނެތެވެ.