22-12-22 : ފެމިލީ ކޯޓުގައި މިއަދު 58 ކައިވެނި

ފެމިލީ ކޯޓުގައި މިއަދު 58 ކައިވެނިކޮށްދޭ ގޮތަށް ހަމަޖެހިފައިވާ ކަމަށް އެ ކޯޓުން ވިދާޅުވެއްޖެއެވެ.
ފެމިލީ ކޯޓުން ވިދާޅުވީ މިއަދު ފެމިލީ ކޯޓުގައި ގިނަ އަދަދެއްގެ ކައިވެނި ކޮށްދިނުމަށް ހަމަޖެހިފައިވާތީ ކޯޓަށް ދުރުވާ ބޭފުޅުންނަށް ލުއިފަސޭހަ ކޮށްދީ އަވިން ސަލާމަތްވެވޭނެ އިންތިޒާމެއް ހަމަޖައްސައި ދިނުމުގެ ގޮތުން ކައިވެނި ޑިވިޜަންގެ މަގާ ވީ ފަރާތުގައި ޓެންޓު ޖަހާފައިވާ ކަމަށެވެ.
ފެމިލީ ކޯޓުން ވިދާޅުވި ގޮތުގައި މި ރީތި ތާރީޚުގައި އެ ކޯޓުގައި ޖުމްލަ 58 ކައިވެނި ކޮށްދިނުމަށް ވަނީ ހަމަޖެހިފައެވެ.
އޭގެތެރެއިން 25 ކައިވެނި ކޮށްދިނުމަށް ހަމަޖެހިފައިވަނީ ރަސްމީ ގަޑީގައި ކޯޓުގައެވެ. އަދި 33 ކައިވެނި ކޮށްދިނުމަށް ހަމަޖެހިފައިވަނީ ނުރަަސްމީ ގަޑީގައެވެ.