"ދިރިއުޅުމަކީ މިއީބާ"ގެ އިބްރާހީމްބެ ނިޔާވެއްޖެ

ގިނަ ދިވެހިން ތެރޭގައި މަޤްބޫލު ސީރީޒް "ދިރިއުޅުމަކީ މިއީބާ؟"ގެ އެކްޓަރު އަބްދުﷲ އަލީ (އިބްރާހީމްބެ) ނިޔާވެއްޖެއެވެ.

Ads by Hajj Corporation

އޭނާ ނިޔާވެފައިވަނީ އުމުރުން 58 އަހަރުގައެވެ. ނިޔާވީ ހޮސްޕިޓަލުގައި ފަރުވާ ދެމުން ގެންދަނިކޮށް ރޭގެ ދަންވަރުގެ ވަގުތެއްގައެވެ. ސިއްހީ ހާލު ދެރަވެ، އިބްރާހީމްބެއަށް ހޮސްޕިޓަލުގައި ފަރުވާ ދެމުން އަންނަތާ ދުވަސް ކޮޅެއްވެއްޖެ ކަމަށް މައުލޫމާތު ލިބެއެވެ.

ޔޫސުފް ރައީފު (ޔޫސޭ) ގެ “ދިރިއުޅުމަކީ މިއީބާ؟"ގެ ގިނަ އެޕިސޯޑްތަކުން އިބްރާހީމްގެ ފެނިގެންދިޔައެވެ. އޭނާ ކުޅެމުން އައީ ރުޅިގަދަ މީހެއްގެ ރޯލެވެ. ސޯޓު ބުރިއެއް ލައިގެން ބޮލުގައި ރަތް ކުލަ ޖައްސައިގެން ހުންނަ އިބްރާހީމްބެ އަކީ އެ ސީރީޒްގައި ގިނަ މީހުންގެ ފޭވްރިޓެވެ. އޭގެ އިތުރުން ބައެއް އިޝްތިހާރުތަކުން ވެސް އިބްރާހީމްބެ މީގެ ކުރިން ވަނީ ފެނިގެން ގޮސްފައެވެ.