ރައީސް ޔާމީންނަށް ކުރި ހުކުމުގެ ސަމާލުކަން ބޭރުގެ މީޑިއާތަކަށް
ކުރީގެ ރައީސް އަބްދުﷲ ޔާމީން އަބްދުލްޤައްޔޫމަށް އިއްޔެ ކްރިމިނަލް ކޯޓުން ކުރި ހުކުމުގެ ސަމާލުކަން ބޭރުގެ މީޑިއާތަކުގެ ސުރުޚީން ޖާގަ ހޯދައިފިއެވެ.
އާއްމުކޮށް ރާއްޖެގައި ހިނގާ ބޮޑެތި ކަންކަން ބޭރުގެ މީޑިއާތަކުން ކަވަރު ކުރެއެވެ. އޭގެ އިތުރުން ބޭރުގެ ބައެއް ނޫސްވެރިންގެ ސަމާލުކަން ވެސް ވަނީ ލިބިފައެވެ.
އިއްޔެ ރައީސް ޔާމީންގެ މައްޗަށް އިއްވި 11 އަހަރުގެ ހުކުމުގެ ވާހަކަ ރޮއިޓާސްގެ އިތުރުން އޭޕީ ނިއުސް އިން ވަނީ ގެނެސްދީފައެވެ.
ކްރިމިނަލް ކޯޓުން އިއްޔެ އިއްވި ހުކުމުގައި ވަނީ ރައީސް ޔާމީންގެ ލޯންޑަރިންގެ ކުށް ސާބިތުވެ ހަތް އަހަރަށް ޖަލަށްލުމަށް ހުކުމްކޮށް 5 މިލިއަން ޑޮލަރުން ޖޫރިމަނާކޮށްފައެވެ. މީގެ އިތުރުން ރިޝްވަތު ހިފުމުގެ ކުށް ސާބިތުވެ 4 އަހަރުގެ ޖަލު ހުކުމެއްވެސް ވަނީ އިއްވާފައެވެ.
މިއާއެކު މަނީ ލޯންޑަރިންގެ ކުށް ސާބިތުވެ އިއްވި ޖަލު އަދަބާއެކު ރައީސް ޔާމީންގެ މައްޗަށް ވަނީ 11 އަހަރުގެ ޖަލު ހުކުމެއް އިއްވާފައެވެ. އަދި ޖޫރިމަނާ ކުރި 5 މިލިއަން ޑޮލަރު ހަ މަސް ދުވަސް ތެރޭ މަރުކަޒީ ބޭންކް އެމްއެމްއޭއަށް ދެއްކުމަށް ވެސް ޔާމީންގެ މައްޗަށް ވަނީ ހުކުމްކޮށްފައެވެ.
ރައީސް ޔާމީންގެ މައްޗަށް އުފުލާފައިވާ ދައުވާތަކަކީ، މަނީ ލޯންޑްރިންގ އަދި ޓެރަރިޒަމަށް ފައިނޭންސްކުރުން ހުއްޓުވުމުގެ ޤާނޫނުގެ ދަށުން މަނީ ލޯންޑްރިންގެ ދަޢުވާ އާއި، ދިވެހިރާއްޖޭގެ ޤާނޫނުލްޢުޤޫބާތުގެ 510 ވަނަ މާއްދާގެ (ހ) އާ ޙަވާލާދީ، އެ މާއްދާގެ (ރ) ގެ ދަށުން ރިޝްވަތު ޤަބޫލުކުރުމުގެ ކުށުގެ ދައުވާއެވެ.
ޔާމީންގެ މައްސަލައިގައި ހުކުމް ކުރުމަށް މިއަދު ބޭއްވި އަޑުއެހުމުގައި ހުކުމް އިއްވަމުން ކްރިމިނަލް ކޯޓުގެ އިސްގާޒީ އަހުމަދު ޝަކީލް ވިދާޅުވީ ރިޝްވަރު ދިނުމުގެ ދައުވާ އަދި ރިޝްވަތު ގަބޫލުކުރުމުގެ ދައުވާ އަބްދުﷲ ޔާމީންގެ މައްޗަށް ޝައްކެއް ނެތް މިންވަރަށް ސާބިތުވާ ކަމަށެވެ.
މަނީ ލޯންޑްރިންގެ ދައުވާއާ ގުޅިގެން ކޯޓުގެ ހުކުމުގައިވަނީ އާރަށް މައްސަލާގައި ރިޝްވަތު ހޯދަން ޔާމީން މަސައްކަތް ކުރެއްވިކަން ސާބިތުވެފައި ވާއިރު، އޭގެފަހުން ޔޫސުފް ނައީމްގެ ފަރާތުން ޔާމީންގެ އެކައުންޓަށް ފައިސާ ޖަމާވުމުން އެއީ ކުށް ކޮށްގެން ހޯދާފައިވާ ފައިސާއެއް ކަން ސަބަބުވެރި އިންސާނެއްގެ ވިސްނުމުން ބަލާއިރު ވެސް އެނގޭނެ ކަމަށެވެ.
ޖުރިމާނާ ފައިސާ ވަކި މުއްދަތެއްގަ ދެއްކުމަކަށް ހުކުމެއް ނުކުރެވޭނެ. ޖުރިމާނާ އަކީ އަދަބެއް އެއަދަބުގެ ފައިސާއަކީ ދަރަންޏެއްނޫން، އަދަބުގެ ފައިސާއަކީ ދަވްލަތުގެ މިލްކެއްނޫން.އަދަބުގެ ޖުރިމާނާ ނިމޭނީ ބަންދުގެ ހުކުމް ނިމުނީމަ. ބަންދުގަ ހުންނަ ހާދުވަހަކު އަދަބުގެ ޖުރިމާނާ ދައްކަން އަމުރު ނުކުރެވޭނެ. އެއީ އަދަބަކީ ޔާމީނު ވަގަށް ނަގާފަ ހުރި ފައިސާއެއް ނޫން، އެ އަމުރު ކޯޓުންނެރެފަ ވަނީ ގޯސްކޮށް،
މީސަބަބުވެރި އަންސާނެއްގެ ސިކުޑިން ބަލާ އިރު ފަގު އަދި ފާސިގުންގެ ހެކިބަސް ނަގައިގެން ކޮއްފަ އިން ވަގު ޚަރާމް ހުކުމެއް، ދެރަކަމަކީ މިޚަބަރު ލިޔާމީހޫންވެސް ތިބެނީ 2 ލޯލާއި ކަންފައި ބަންދުވެފަ ،އެހެންވެގެންތާ މުޅި ރާއްޖޭގެ އެންމެން ކުރިމަތީގަ މިހުރިހާކަމެއް މިނިމިގެންދިޔަ އިރު މިޚަބރުތަށް ކަވަރ ކުރާ އާލާތުން ރިޝްވަތުގެ ފައިސާ ކޮޅުގޮހޮރަށް ގޮސްސައް ހޫރިވަރު ވަރަށް ސާފުކޮފެންނަން މިއޮފީ ، ސަބަބުވެރި އަސްތަށިން ވިސްނާލީމަ މިޔޮތީ.