ފަތުރުވެރިކަމާ ބެހޭ ޑިޖިޓަލް ފޮތެއް ނެރުއްވައިފި

"ދިވެހިރާއްޖޭގެ ފަތުރުވެރިކަމުގެ ރަން ފަންސާސް" ގެ ނަމުގައި ޑިޖިޓަލް ފޮތެއް ޓޫރިޒަމް މިނިސްޓްރީން އިފުތިތާހު ކުރައްވައިފިއެވެ.

Ads by STELCO

މި ފޮތް އިފުތިތާޙު ކޮށްދެއްވީ މައިޒާން އުމަރު މަނިކެވެ.

އެ ފޮތުގައި ރާއްޖޭގައި 1972 ގައި ޓޫރިޒަމް ތަޢާރަފުވުމާއި އޭގެ މުހިންމު ބައިވެރިންނާއި އެ ދާއިރާ ތަރައްޤީވެ ކުރިއަރަމުން އައި ގޮތާއި ސަރުކާރުގެ ދައުރާއި ރާއްޖޭގެ އިޤްތިޞާދުގައި ޓޫރިޒަމް ދާއިރާގެ ދައުރު ހިއްސާކޮށްފައިވެއެވެ.

އަދި އެ ދާއިރާއަށް ފާއިތުވި ބައި ގަރުނުގެ ތެރޭގައި އައި އިންޤިލާބީ ބަދަލުތަކާއި ޓޫރިޒަމް ދާއިރާއާ ގުޅުން ހުރި ބިޔަ ބޮޑެތި މަޝްރޫއުތަކާއި އެ ދާއިރާ ދެމެހެއްޓުމަށް ކުރިއަށް އޮތް ޖީލުތަކުގެ ޒިންމާ ފަދަ ބައިތައް ވެސް ފޮތުގައި ހިމަނުއްވައިފައިވެއެވެ.

މި ފޮތުގައި ރައީސް އިބްރާހީމް މުޙައްމަދު ޞާލިޙުގެ ޙިޠާބެއްވެސް ހިމަނުއްވައިފައިވެއެވެ.