މާލޭގެ އެކި ސަރަހައްދުތަކުން 110.8 ޓަނުގެ ކުނި ނަގައިފި

މާލޭގެ އެކި ސަރަހައްދުތަކުން 110.8 ޓަނުގެ ކުނި ނަގައި ސާފުކޮށްފިއެވެ.

ވެމްކޯއިން ވަނީ އާންމު ތަންތަނުން ކުނި ނެގުމުގެ މަސައްކަތް ހުއްޓައިލައިފައެވެ. މިހާރު މި މަސައްކަތާ ހަވާލުވެފައިވަނީ މާލޭ ސިޓީ ކައުންސިލުންނެވެ.

ސިޓީ ކައުންސިލުން ވިދާޅުވީ ބުރާސްފަތި ދުވަހުން ފެށިގެން އިއްޔެގެ އިރުއޮއްސި 18:00 އާއި ހަމައަށް، މާލޭގެ އެކި ސަރަހައްދުތަކުން 110.8 ޓަނުގެ ކުނި ނަގާ ސާފުކޮށްފައިވާ ކަމަށެވެ.

މާލެ ސިޓީ ކައުންސިލުން ވެމްކޯއާއެކު ވެފައިވާ އެއްބަސްވުން އައު ނުކުރުމަށް ނިންމީ އެ އެއްބަސްވުމުގެ ސަބަބުން ކައުންސިލުގެ ޚަރަދު އިތުރުވާތީއެވެ. އަދި ވެމްކޯގެ ޚިދުމަތާމެދު އާއްމުންގެ ޝަކުވާ ބޮޑު ކަމަށްވެސް އެ ކައުންސިލުން ވިދާޅުވިއެވެ.