ގެއްލިގެން ހޯދަމުން ދިޔަ އެކަކު މާލޭގައި

ވިލިމާލެއިން ފުރައިގެން ދަތުރުކުރި ތެޔޮ ބޯޓަކުން ގެއްލިގެން ހޯދާ ދެ މީހުންގެ ތެރެއިން އެކަކު މާލޭގައި ހުރި ކަމަށްބުނެ އާންމުންގެ މީހަކު ފޮޓޯއެއް އާންމުކޮށްފިއެވެ.

ރައްޔިތުންގެ އިއްތިހާދުގެ ރައީސް އިބްރާހީމް މުޙައްމަދު (ޖަނާބު އިއްބެ) މިއަދު ކުރި ޓްވީޓެއްގައި ގެއްލިގެން ހޯދަމުން އަންނަ މީހުންގެ ތެރެއިން އެކަކުގެ ފޮޓޯ ވަނީ ހިއްސާކޮށްފައެވެ.

ގެއްލިގެން ހޯދަމުން އަންނަނީ ގދ. ތިނަދޫ މަނާރު، މުހަންމަދު ނިޒާމެވެ. 45 އަހަރުގެ މިމީހާއާއެކު މަގުމަތީގައި ހުރި ފޮޓޯއެއް ވަނީ ޓްވީޓްކޮށްފައެވެ.

"އަޅުގަނޑު އެހީމަ ބުނީ މި އައީއޭ ފުލުހަށް ގޮސްފައޭ. އެ މީހުން ބުންޏޭ ހޯދާކަށް ނޫޅެމޭ،" ޓްވީޓްގައި ގެއްލުނު މީހާއާ ހަވާލާދީ ޖަނާބު އިއްބެ ބުންޏެވެ.

މިކަމާ ގުޅިގެން މިހާތަނަށް ފުލުހުން ވަކިއެއްޗެއް ހާމަކޮށްފައެއް ނުވެއެވެ.