ރަނިންމޭޓަކަށް ނަގާނީ ޒުވާން އައްޑޫގެ ޒުވާން ބޭފުޅެއް: ރައީސް ނަޝީދު
މިމަހު އޮންނަ އެމްޑީޕީގެ ރިޔާސީ ޕްރައިމަރީ ކާމިޔާބު ކުރައްވާނީ ރައީސް މުޙައްމަދު ނަޝީދު ކަމަށާއި، އިންތިޚާބު ކާމިޔާބުކޮށް ރިޔާސީ އިންތިޚާބަށް ނިކުންނަވާނީ އައްޑޫގެ ބޭފުޅެއް ރަނިންމޭޓަކަށް ކަމަށް އެމަނިކުފާނު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ، އަތޮޅު ތެރެއިން އ، ފ، އަދި ދ އަތޮޅަށް އެމަނިކުފާނު ކުރެއްވި ދަތުރުފުޅުގެ ތަފްސީލް ހިއްސާ ކުރެއްވުމަށް މިއަދު ބޭއްވި ނޫސްވެރިންގެ ބައްދަލުވުމެއްގައި ދެއްކެވި ވާހަކަފުޅުގައެވެ.
ރައީސް ނަޝީދު ވިދާޅުވީ، އެމަނިކުފާނު ޕްރައިމަރީން ބަލިވުމަކީ ސުވާލެއް ނޫން ކަމަށާއި އެއީ ވާނެ ކަމެއް ނޫން ކަމަށެވެ. އަދި މި އިންތިޚާބު ނަގަން އެމަނިކުފާނަށް އުދަނގޫ ނުވާނެ ކަމަށް ވިދާޅުވެ ވިދާޅުވީ އިންތިޚާބު ނަގާނީ 60 ނުވަތަ 70 އިންސައްތައިން ކަމަށެވެ.
ރައީސް ނަޝީދު ވިދާޅުވީ، ރިޔާސީ އެމަނިކުފާނުގެ ރަނިންމޭޓަކަށް ނަންގަވާނީ "މުޅި ދިވެހި ރާއްޖެ ތަމްސީލްވާ، ރަމްޒުވާ ބޭފުޅެއް" ކަމަށެވެ. އަދި ސަރުކާރުގައި ޒުވާނުންގެ ހިއްސާ ވަރަށް ބޮޑުވާން ޖެހޭކަން ޤަބޫލު ކުރައްވާ ކަމަށާއި، ރަނިންމޭޓަކަށް ނަންގަވާނީ އައްޑޫގެ ޒުވާން ބޭފުޅެއް ކަމަށެވެ.
އެމްޑީޕީގެ ރިޔާސީ ޕްރައިމަރީ ބޭއްވުމަށް ހަމަޖެހިފައިވަނީ މިމަހުގެ 28ވަނަ ދުވަހުއެވެ.
ޕުރޮފިސަރ އުގެއިލު ރަނގަޅުވާނެ.
އައްޑޫ މީހަކާ ކަލޭގެ އިނަކަސް އަހަރުމެންގެ ވޯޓެއް ނުލިބޭނެ.