ނީލަން ފިހާރައިގައި ރޯވުން: އަލިފާންގަނޑު ކޮންޓްރޯލް ކުރެވިއްޖެ

މިއަދު ހެނދުނު ނީލަން ފިހާރައިގައި ރޯވި އަލިފާންގަނޑު އިތުރަށް ނުފެތުރޭ ވަރަށް ކޮންޓްރޯލް ކޮށްފިއެވެ.

ޑިފެންސް މިނިސްޓަރު މާރިޔާ އަޙްމަދު ދީދީ ވިދާޅުވީ، އަލިފާންގަނޑު ކޮންމެވެސް ވަރަކަށް ކޮންޓްރޯލް ކުރެވިފައިވާ ކަމަށާއި، އަދި އިތުރަށް އެ އަލިފާންގަނޑު ފެތުރިގެން ދިޔުމުގެ ފުރުސަތު ކުޑަ ކަމަށެވެ.

Am at #NeelanFihaara site where there is a raging fire. Am told that the fire is somewhat under control & the possibility of the fire spreading is InshaAllah unlikely. Our firefighters together with VIA firefighters doing an admirable job! I thank the public for their cooperation pic.twitter.com/kMu4Mjcy88

— Mariya Didi 🎈 (@MariyaDidi) January 9, 2023

އެމްއެންޑީއެފުންވެސް ވަނީ އަލިފާންގަނޑު ކޮންޓްރޯލް ވެފައިވާ ކަަމަށް މަޢުލޫމާތު ދެއްވައިފައެވެ.

އެމްއެންޑީއެފުން ވިދާޅުވީ، މިހާރު މޯލްޑިވްސް އެއަރޕޯޓް ކޮމްޕެނީ ލިމިޓެޑްގެ އަލިފާން ނިއްވާ ލޮރީވެސް އެ ސަރަހައްދުގައި ހަރަކާތްތެރިވަމުން އަންނަ ކަމަށެވެ.

ނީލަން ފިހާރައިގައި ހިނގި އަލިފާނުގެ ހާދިސާގެ މައުލޫމާތު ފަޔާ އެންޑް ރެސްކިޔުއަށް ލިބުނީ މިއަދު ހެނދުނު 5:43 ހާއިރުއެވެ. މި ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.