ޓެކްސީ ޑްރައިވަރުންނަށް އެހެން ހުނަރެއް ދަސްކޮށްދޭންވީއެއް ނޫން، ޓެކްސީ ގަނެދޭންވީ: ރައީސް ޞާލިޙު
ޓެކްސީ ޑްރައިވަރުންގެ ޓެކްސީތައް ސަރުކާރަށް ނަގައި ޑްރައިވަރުންނަށް އެހެން ހުނަރެއް ދަސްކޮށް ދޭން ޖެހޭ ކަމަށް އެމްޑީޕީގެ ރިޔާސީ ޕްރައިމެރީގައި ވާދަ ކުރައްވާ ކުރީގެ ރައީސް މުހައްމަދު ނަޝީދު ވިދާޅުވި ވާހަކަފުޅަށް ރައީސް އިބްރާހިމް މުޙައްމަދު ސާލިޙް ރައްދު ދެއްވައިފިއެވެ.
ބ، އޭދަފުށީގައި މިއަދު ބޭއްވި ކެމްޕެއިން ޖަލްސާގައި ވާހަކަފުޅު ދައްކަވަމުން ރައީސް ސާލިޙް ވިދާޅުވީ އެމަނިކުފާނާއި ވާދަވެރި ފަރާތްތަކުން ސަރުކާރުން އަމިއްލަ ވިޔަފާރިވެރިންގެ ވިޔަފާރިތަކަށް ބުރުއަރާ ގޮތަށް ވިޔަފާރިތަކަށް ވަންނަމުންދާ ކަމަށް ބުނާ ކަމަށެވެ. އެހެން ކަމަށްވާނަމަ ޓެކްސީ ޑްރައިވަރުންގެ ޓެކްސީތައް ސަރުކާރަށް ގަތުމަކީ އެއީ ކޮންބައެއްގެ ވިޔަފާރިއަށް ސަރުކާރުން ވަނުންތޯ ރައީސް ޞާލިޙު ވަނީ ސާލުވު އުފައްދަވައިފައެވެ.
ރައީސް ވިދާޅުވީ ޓެކްސީ ޑްރައިވަރުންގެ ޓެކްސީތައް ސަރުކާރަށް ގަތުމަކީ އެއީ އެއްގޮތަކަށް ވެސް ރަނގަޅު ކަމެއް ނޫން ކަމަށެވެ.
އެ ސިޔާސަތަކީ އެއްގޮތަކަށް ވެސް ކަމުދާ ސިޔާސަތެއް ނޫން ކަމަށް ރައީސް ވިދާޅުވިއެވެ. އެމަނިކުފާނު ވިދާޅުވި ގޮތުގައި ޓެކްސީ ޑްރައިވަރުންގެ ޓެކްސީތައް ސަރުކާރަށް ގަތުމުގެ ބަދަލުގައި ކުރަން ޖެހޭ ކަމަކީ ޓެކްސީ ކުރަން ބޭނުންވާ ފަރާތްތަކަށް ސަރުކާރުން ޓެކްސީ ގަނެދިން ކަމަށެވެ.
މިއަހަރުގެ ތެރޭގައި ސަރުކާރުން ޓެކްސީތައް ގެނެސް، ޓެކްސީ ކުރަން ބޭނުންވާ ފަރާތްތަކަށް ދިގު މުއްދަތުން ދައްކާ ޚަލާސް ކުރާ ގޮތަށް ޓެކްސީ ވިއްކާނެ ކަމަށް ރައީސް ވިދާޅުވިއެވެ.
ރައީސް ނަޝީދު އާދީއްތަ ދުވަހު ނޫސްވެރިންނާއި ބައްދަލު ކުރައްވައި ވާހަކަފުޅު ދައްކަވަމުން ވިދާޅުވީ އެމަނިކުފާނު ޓެކްސީ ޑްރައިވެރިންނާއި ބައްދަލު ކުރައްވައި ހުރި ގޮންޖެހުންތަކާއި ބެހޭ ގޮތުން ޑްރައިވަރުންނާއި މަޝްވަރާކޮށް ޚިޔާލު ބަދަކު ކުރެއްވި ކަމަށެވެ.
އެގޮތުން ޓެކްސީ ޑްރައިވަރުންނަށް މަގުތަކުގެ ހާލަތު ހުރި ގޮތުން ޓެކްސީ ކުރުމަށް ދަތިވާ ވާހަކަ ހިއްސާ ކުރެއްވި ކަމަށާއި އަދި ޓެކްސީ ޑްރައިވަރުންނަށް އެހެން ހުނަރެއް ދަސްކޮށްދީ ކުރެވެން ހުރި ކަންކަމާއި ބެހޭ ގޮތުން މަޝްވަރާ ކުރެއްވި ކަމަށް ރައީސް ނަޝީދު ވިދާޅުވިއެވެ.
ރައީސް ނަޝީދު ވިދާޅުވި ގޮތުގައި ކުރަން ޖެހޭ ކަމަކީ ޓެކްސީ ޑްރައިވަރުންގެ ޓެކްސީތައް ސަރުކާރަށް ގަނެ ޓެކްސީ ޑްރައިވަރުންނަށް އެހެން ހުނަރެއް ދަސްކޮށްދިނުމެވެ. އެގޮތުން ބަސް ކުންފުނިން ޓެކްސީ ޑްރައިވަރުންނަށް ފުރުސަތު ދޭން ޖެހޭ ކަމަށާއި އެއީ އެމަނިކުފާނު ހުށަހަޅާ ސިޔާސަތެއް ކަމަށް ރައީސް ނަޝީދު ވިދާޅުވިއެވެ.
އެމްޑީޕީގެ ރިޔާސީ ޕްރައިމަރީ އޮންނާނީ މިމަހުގެ 28 ވަނަ ދުވަހުއެވެ.
ކެނެރީގޭ ގަންޖާބޯއަށްވެސް އެބަޖެހޭ އެހެން ހުނަރެއް ދަސްކޮށްދީ ފޭކުރަން…
ތިއުޅެނީީ އިންޑިއާާ މީހުންރާއްޖޭގައިި ޓެކުސީކުރަންް ފަށަންް އަދިމިހާތަނަކައްް އިބޫގެވެރިކަމުގައިި ދިވެހިންނައްް އަނިޔާވެރިކަންް ފިޔަވާަ އިތުރުު އެއްޗެއްފެނިފައެއްނުވޭޭ ތީވެސްް އަންނިި އެއްޗެކޭބުނެލާއިރައްް އޯވަރރިއެކްޓްކޮއްލުމެއްކަމައްް ފެންނަނީީ އިބޫރަގަޅުވާނީީ ރޯންް އެހެންއެއްވެސްް ކަމެއްް ކުރެވޭނެކަމައްް ނުފެނޭޭ