ރާއްޖޭގެ ރަސްމީ ރިޒާވްގައި 827 މިލިޔަން ޑޮލަރު، 27 އިންސައްތައިގެ އިތުރުވުމެއް
ރާއްޖޭގެ ރަސްމީ ރިޒާވް 827 މިލިއަން ޑޮލަރަށް އިތުރުވެފައިވާކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ތަފާސްހިސާބުތަކުން ދައްކައިފިއެވެ.
އެމްއެމްއޭ އިން އާންމުކުރާ ތަފާސްހިސާބުތައް ދައްކާގޮތުން މިދިޔަ އަހަރު ޑިސެންބަރު މަސް ނިމުނު އިރު، ދައުލަތުގެ ރިޒާވް ވަނީ 827.71 މިލިއަން ޑޮލަރަށް އިތުރުވެފައެވެ. ފާއިތުވީ އަހަރުގެ ނޮވެންބަރު މަހާ އަޅާބަލާއިރު ރަސްމީ ރިޒާވްއަށްވަނީ 223 މިލިއަން ޑޮލަރު އިތުރުވެފައެވެ. ނޮވެންބަރު މަހު ރަސްމީ ރިޒާވް ހުރީ 604 މިލިޔަން ޑޮލަރެވެ. އޭގެ ކުރީ މަހު ރިޒާވްގައި ހުރީ 499 މިލިޔަން ޑޮލަރެވެ.
މިއީ މިދިޔަ އަހަރު އޭޕްރީލް މަހުން ފެށިގެން ރަސްމީ ރިސާވް އެންމެ މަތީގައި ހުރި މަސްކަން ފާހަގަކޮށްލެވެއެވެ. ރާއްޖޭގެ ރިޒާވް މިދިޔަ އަހަރު ނިމުނު އިރު ހުރީ 805 މިލިއަން ޑޮލަރުގައެވެ.
މިދިޔަ އަހަރު ނިމޭ އިރު ރިޒާވްގައި ހުންނާނެ ކަމަށް ބަޖެޓް ފޮތުގައި ލަފާކޮށްފައި އޮތީ 638 މިލިއަން ޑޮލަރެވެ. އަހަރު ނިމުނުއިރު ލަފާކުރި ވަރަށްވުރެ އިތުރަށް ރިޒާވްވަނީ ބޮޑުވެފައެވެ.
ދައުލަތުގެ ޖުމްލަ ރިޒާވްގެ އިތުރުން ޔޫޒަބަލް ރިޒާވްގައި ހުރި މިންވަރު ވެސް މި މިދަޔަ މަހު ވަނީ އިތުރުވެފައެވެ. ޔޫޒަބްލް ރިޒާވަކީ ރަސްމީ ރިޒާވުން ކުރު މުއްދަތުގެ ބޭރުގެ ލައިބިލިޓީތައް އުނިކުރުމުން ބާކީ އޮންނަ އަދަދެވެ. ޑިސެންބަރު މަހުގައި ޔޫޒަބްލް ރިޒާވް ހުރީ 323.6ގައެވެ. އޭގެ ކުރީ މަހުގައި އެ އަދަދު އުޅެނީ 243.6ގައެވެ.
އިންޑިޔާގެ ރިޒާވް ބޭންކުން ނެގީތަ؟