Tuesday, 17 November 2026
Advertisement
STO — McCoy (leaderboard)
ސިޔާސީ

ދެ ރައީސުންގެ ކެމްޕެއިން ނިންމައިލާ ޖަލްސާތައް މިރޭ

ދެ ރައީސުންގެ ކެމްޕެއިން ނިންމައިލާ ޖަލްސާތައް މިރޭ

މި ހަފްތާގެ ހޮނިހިރު ދުވަހު ބާއްވާ އެމްޑީޕީގެ ރިޔާސީ ޕްރައިމަރީގައި ވާދަކުރައްވާ ދެ ކެންޑިޑޭޓުންގެ ކެމްޕެއިންގެ ފަހު ހަރަކާތްތައް މިރޭ އޮންނާނެއެވެ.

އެގޮތުން މި އިންތިޚާބުގައި ވާދަކުރައްވާ އެމްޑީޕީގެ އިސް ލީޑަރު، ރައީސް އިބްރާހީމް މުޙައްމަދު ޞާލިޙުގެ ކެމްޕެއިން ނިންމާ ހަރަކާތް އޮންނާނީ މިރޭ 8:30 ގައި އައްޑޫ ސިޓީ ހިތަދޫ ސްޓޭޖް ސަރަހައްދުގައެވެ. މި ޖަލްސާގައި ރައީސްވެސް ބައިވެރިވެވަޑައިގެން ވާހަކަފުޅު ދައްކަވާނެއެވެ.

ޕްރައިމަރީގައި ރައީސާ ވާދަކުރައްވާ ނަޝީދުގެ ކެމްޕޭން ނިންމާ ޖަލްސާ އޮންނާނީ މިރޭ 8:30 ގައި މާލޭގެ އާޓިފިޝަލް ބީޗު ސަރަހައްދުގައެވެ. އިންތިޚާބުގައި ވާދަކުރައްވާ ދެ ކެންޑިޑޭޓުންވެސް ވަނީ ކެމްޕެއިނަށް ވަރަށް ގިނަ ރަށްތަކަށް ވަޑައިގަންނަވައިފައެވެ.

Advertisement
Ooredoo — Truecaller (box)

ދެ ބޭފުޅުންވެސް ވަރަށް ފޯރި ގަދަ ކެމްޕެއިނެއް ކުރެއްވި މި އިންތިޚާބުން ކާމިޔާބު ލިބިވަޑައިގަންނަވާނެ ކަމަށް ދެ ރައީސުންވެސް ދެކިލައްވައެވެ.

ރައީސް ނަޝީދު ވިދާޅުވަނީ އަސްލު އެމްޑީޕީއަށް ރުޖޫޢަވުމަށްޓަކައި ވޯޓު ދޭންވީ އެމަނިކުފާނަށް ކަމަށެެވެ. ނަމަވެސް ރައީސް އިބްރާހީމް މުޙައްމަދު ޞާލިޙު ވިދާޅުވަނީ، މި ޕްރައިމަރީގައި އެ މަނިކުފާނަށް ވޯޓު ނުދީފިނަމަ، ރައްޔިތުން މަގުމަތިވާނެ ކަމަށާއި، މިހާރު އޮތް ހަމަޖެހުން ގެއްލިގެންދާނެ ކަމަށެވެ.

 

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.