ނިޔަފަތި ކެއުން، ސިއްހަތަށް ނުރައްކާތެރި: އަވަަހަށް ހުއްޓާލާ!

ބިރުގަނެ ހާސްވުމުން ނިޔަފަތި ކެވޭ ހެއްޔެވެ؟ ހަމަގައިމު ވެސް ވަރަށް ގިނަ މީހުން މިކަން ކުރާނެ ކަން ޔަގީނެވެ. އެހެން ނަމަވެސް މިކަމަކީ ސިއްހަތަށް ކިހާ ނުރައްކާތެރި އަދި ކިހާ ހަޑި ކަމެއްކަން އެނގޭ ހެއްޔެވެ؟

Ads by MWSC

އެމެރިކާގެ ސްޓޭޓެއް ކަމަށް ވާ “ ޓެކްސަސް “ގެ ޔުނިވާސިޓީ އަކުން ކުރި ދިރާސާއަކުން އެނގިފައިވާ ގޮތުގައި ނިޔަފަތި ކެއުމަކީ ސިއްޙަތަށް ނުރައްކާތެރި ކަމެކެވެ. އަދިމިކަމުގެ ސަބަބުން އެތައް ބަލި ތަކެއް ޖެހުމުގެ ފުރުސަތު ފަހި ވެގެން ދާނެ ކަމަށް ވެސް އެ ދިރާސާއިން ވަނީ ދައްކާފައެވެ.

ބައެއް މީހުންގެ ނިޔަފަތި ދޭތެރޭގައި ހަޑިތައް ތާށިވެފައި ހުންނަތަން ވެސް ފެނެެއެވެ. އެހެން ނަމަވެސް އެއްވެސް ޖެހިލުމެއް ނެތި، ނިޔަފަތި ކާ ތަން ވެސް ފެނެއެވެ. ބަރާބަރަށް އަތް ދޮންނަ ކަމުގައި ވީ ނަމަވެސް ނިޔަފަތި ދޭތެރޭގައި ހަރުލާފައި ހުންނަ ހަޑިތައް ފިލުވުމަކީ އުނދަގޫ ކަމެކެވެ. އެހެންކަމުން ނިޔަފަތި ކެއުމަށްޓަކައި އަނގަޔަތް އަތް ލެވޭ ކޮންމެ ފަހަރަކު މި ހަޑި ތައް ނޫނީ ނިޔަފަތި ދޭތެރޭގައި ހަރުލާފައި ހުންނަ ޖަރާސީމުތައް އަނގަޔަށް ވަންނާނެއެވެ. އޭގެސަބަބުން ހަށިގަނޑު ތެރެއަށް ޖަރާސީމުތައް ވަދެ ބަލިވުމުގެ ފުރުސަތު ބޮޑުވެގެން ދެއެވެ.

ނިޔަފަތި ކެއުމަކީ އިންފެކްޝަން އުފެދުމަށްވެސް މަގު ފަހިވާ ކަމެކެވެ. އޭގެ ސަބަބުން ނިޔަފަތި ދޭތެރެ ރަތްވެ، ލޭއައިސް، ރިއްސާ އަދި ބައެއް ފަހަރު ދޮސްވެސް ލައެވެ. މިކަންތައްތަކަކީ ވަރަށް ވޭން ހުރި ކަންތައްތަކެވެ.  މިއީ ކުޑަކުޑަ ކަމެއް ނޫން ނަމަވެސް އެއްވެސް ފިކުރެއް ޚިޔާލެއް ނެތި ނިޔަފަތި ކާ މީހުން މަދެއް ނޫނެވެ. 

ހަމައެއާއެކު ނިޔަފަތި ކެއުމަކީ ތިމާގެ ދަތްޕިލާގެ ބައްޓަމަށް ބަދަލު އަންނަ އަންނަ ކަމެކެވެ. ދަތްޕިލާގެ ދަތްތައް އެއްވަރު ނުވުމާއި ދަތަށް އެކި ވަރުގެ ގެއްލުންތައް ލިބޭ ކަމެއްކަމުގައި މިކަން ފާހަގަ ކުރެވެއެވެ. އަދި މިކަމުގެ ސަބަބުން އަނގަ ތެރެއަށް ވަންނަ ޖަރާސީމުތަކުގެ ސަބަބުން ނޭވާލާ ނިޒާމަށް ވެސް ބޮޑެތި އުނދަގޫތައް ވާ ކަމަށް ދިރާސާއިން ވަނީ ހާމަ ކޮށްފައެވެ.