އިކްރާމް ވައްޑެއަށް: މެމްބަރުންގެ މަސްއޫލިއްޔަތަކީ މަޖިލީހަށް އައިސް ރައްޔިތުންގެ ހައްގުގައި މަސައްކަތް ކުރުން
މަޖިލީހުގެ މެމްބަރުންގެ އެންމެ މުހިންމު މަސްއޫލިއްޔަތަކީ ރައްޔިތުންގެ ހައްގުގައި މަސައްކަތް ކުރުން ކަމަށް ރައްޔިތުންގެ މަޖިލީހުގެ ދިއްގަރު ދާއިރާގެ މެންބަރު އިކްރާމް ޙަަސަން ވިދާޅުވެއްޖެއެވެ.
Ads by Sosun Fihaara
2023 ވަނަ އަހަރަށް ރައްޔިތުންގެ މަޖިލީސް ހުޅުވުމަށް މިއަދު ބޭއްވި ޖަލްސާގައި ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހް ރިޔާސީ ބަޔާން އިއްވަވަން ފެއްޓެވުމާއެކު އިދިކޮޅު މެމްބަރުން ވަނީ މަޖިލީސް ތެރޭގައި އަޑުގަދަކޮށް އިހްތިޖާޖްކޮށްފައެވެ.
މިކަމާ ގުޅިގެން ރައްޔިތުންގެ މަޖިލީހުގެ އުނގޫފާރު ދާއިރާގެ މެންބަރު މުހައްމަދު ވަހީދު (ވައްޑޭ) ވަނީ ކުރައްވާ ވެރިކަމަކާ މެނިފެސްޓޯ ދިމާނުވާކަމަށާއި ރިޔާސީ ބަޔާންތަކާ އަމަލު ކުރައްވާ ގޮތް ވެސް ދިމާނުވާކަމަށް ވިދާޅުވެފައެވެ.
ވައްޑެގެ ވާހަކަތަކަށް ރައްދުދެއްވަމުން އިކްރާމް ވިދާޅުވީ މަޖިލީހަށް އިންތިހާބުވުމަށްފަހު ކޮންމެ މެމްބަރެއްގެވެސް އެންމެ މުހިންމު މަސްއޫލިއްޔަތަކީ މަޖިލީހަށް އައިސް ރައްޔިތުންގެ ހައްގުގަ މަސައްކަތް ކުރުން ކަމަށެވެ. އެހެންނަމަވެސް މިއަދު މަޖިލީހުގައި ވައްޑެ ފެނިފައިނުވާ ކަމަށް އިކްރާމް ވިދާޅުވިއެވެ.
Ads by STO
