އުރީދޫގެ އަހަރީ އާންމު ޖަލްސާ އަންނަމަހު 8 ގައި!
އުރީދޫ މޯލްޑިވްސްގެ މިއަހަރުގެ އަހަރީ އާންމު ޖަލްސާ އަންނަ މަހުގެ 8 ވަނަ ދުވަހު ބޭއްވުމަށް ހަމަޖެހިއްޖެއެވެ.
އެކުންފުނިން ބުނެފައިވާގޮތުގައި އުރީދޫ އިން ބުނެފައިވަނީ މިއަހަރުގެ އަހަރީ އާންމު ޖަލްސާގައި ބައިވެރިވާން ރަޖިސްޓަރ ވާ ފަރާތްތަކަށް އޮންލައިންކޮށް ނުވަތަ ޖަލްސާ ބާއްވާ ތަންކަމުގައިވާ، ކްރޮސްރޯޑްސް މޯލްޑިވްސްގެ އިވެންޓް ހޯލަށް ހާޒިރުވެގެން ބައިވެރިވެވޭނެއެވެ.
އަދި މި ޖަލްސާ އޮންނާނީ މާރޗް 8 ވަނަ ދުވަހުގެ ރޭ 8:30 ކްރޮސްރޯޑްސް މޯލްޑިވްސްގައި ކަމަށް އުރީދޫ މޯލްޑިވްސް އިން ބުނެއެވެ.
މި ޖަލްސާގެ އިވެންޓް ހޯލަށް ވަޑައިގެން ޖަލްސާގައި ބައިވެރި ވުމުގެ ފުރުސަތު 120 ހިއްސާދާރުންނަށް ދިނުމަށް ހަމަޖެހިފައިވާއިރު ޖަލްސާގައި އޮންލައިންކޮށް ބައިވެރިވާން ބޭނުންވާ ފަރާތްތަކަށް އެފުރުސަތު ހުޅުވާލައިފައިވާކަމަށް އެކުންފުނިން ބުނެއެވެ.
މިގޮތުން އޮންލައިންކޮށް ބައިވެރިވާން ބޭނުންފުޅުވާ ފަރާތްތަކަށް "ފަހިވޯޓު" މެދުވެރިކޮށް ޖަލްސާގައި ބައިވެރިވުމުގެ އިންތިޒާމުތައް ހަމަޖައްސައިދެވޭނެއެވެ.
އަދި ޖަލްސާގައި ބައިވެރިވާން ބޭނުންވާ ފަރާތްތަކުން 6 މާރިޗު 2023 ވާ ހޯމަ ދުވަހުގެ ރޭގަނޑު 8:30 ގެ ކުރިން ރެޖިސްޓަރ ވުމަށް އެކުންފުނިން އެދެއެވެ.
އުރީދޫ މޯލްޑިވްސްގެ މިއަހަރުގެ އަހަރީ އާންމު ޖަލްސާގައި 2023 ވަނަ އަހަރަށް އޮޑިޓަރުން އައްޔަންކޮށް، އޮޑިޓަރުންގެ އުޖޫރަ ކަނޑައަޅައި ފާސްކުރުމާއި 2022 ވަނަ އަހަރުގެ ޑިވިޑެންޑުގެ ގޮތުގައި ބަހާނެ ފައިސާ ކަނޑައަޅައި ފާސްކުރުމަށް ވަނީ ހަމަޖެހިފައެވެ.
އުރީދޫ މޯލްޑިވްސްގެ ހިއްސާދާރެއްގެ ގޮތުގައި 16 ފެބްރުއަރީ 2023 ވާ ބުރާސްފަތި ދުވަހުގެ މެންދުރު 2:00 ގެ ކުރިން ރަޖިސްޓަރވެފައިވާ ފަރާތްތަކަށް މި ޖަލްސާގައި ބައިވެރިވެވޭނެކަމަށް އެކުންފުނިން މައުލޫމާތު ދެއްވައެވެ.
