ބްރޯޑްކޮމްއަށް އައްޔަނު ކުރުމަށް ހަތަރު ނަމެއް މަޖިލީހަށް ފޮނުއްވައިފި

މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް)އަށް އައްޔަނު ކުރުމަށް ހަތަރު ނަމެއް ރައްޔިތުންގެ މަޖިލީހަށް ފޮނުއްވައިފިއެވެ.

Ads by Sosun Fihaara

މި ނަންތައް ފޮނުއްވައިފައިވަނީ، ރައްޔިތުންގެ މަޖިލީހުގެ މިއަދުގެ ޖަލްސާގައެވެ.

ބްރޯޑްކޮމްއަށް އައްޔަނު ކުރަން ރައީސް އިބްރާހީމް މުޙައްމަދު ޞާލިޙު ފޮނުއްވި ނަންތަކަކީ ޝިހާމް މުހައްމަދު ވަހީދު ދަފްތަރު ނަމްބަރު ރސ 5143، ޝާން ސޯލިހު މުހައްމަދު ފިނިވާދީގެ ދ. ކުޑަހުވަދޫ، ހުސެއިން އަމްރު ވ. ރޯޝަން އަދި ޝަފާ ޝަފީގް ބިއްލޫރިވިލާ ދ. މީދޫއެވެ.

ބްރޯޑްކޮމްއަށް އައްޔަނުކުރުމަށް ހަތަރު ފަރާތެއްގެ ނަން ފޮނުވާފައިވަނީ ބްރޯޑްކޮމްގެ މެންބަރު އަމްޖަދު ވަހީދުގެ މެންބަރު ކަމުގެ މުއްދަތު އަންނަ މަހު 15 ގައި ހަމަވާތީއެވެ.