ޖޭޕީގެ ނައިބު ލީޑަރަކަށް ނަހުލާ
ޖުމްހޫރީ ޕާޓީގެ ޑެޕިއުޓީ ލީޑަރުގެ މަޤާމަށް ޓްރާންސްޕޯޓް މިނިސްޓަރު އައިޝަތު ނަހުލާއާއެކު، އިތުރު ހަތަރު ބޭފުޅުން އިންތިޚާބުކޮށްފިއެވެ.
މިދިޔަ ހުކުރު ދުވަހު ފެށި ޖުމްހޫރީ ޕާޓީގެ ޤައުމީ ހަތަރު ވަނަ ކޮންފަރެންސްގައި ކުރިއަށްދިޔަ އެޕާޓީގެ އެތެރޭގެ އިންތިޚާބުގައި 12 ބޭފުޅަކު ވަނީ ޑެޕިއުޓީ ލީޑަރުގެ މަޤާމަށް ކުރިމަތިލެއްވިއެވެ.
ޑެޕިއުޓީ ލީޑަރުންގެ މަޤާމަށް ކުރިމަތިލާފައިވާ ބޭފުޅުން ތެރޭގައި މި ސަރުކާރުގެ މިނިސްޓަރުންނާއި އިސް މަގާމުތަކުގައި ތިއްބެވި ބޭފުޅުން އަދި ރައްޔިތުންގެ މަޖިލީހުގެ މެމްބަރުންނާއި ކުރީގެ މެމްބަރުން ވެސް ހިމެނިވަޑައިގަންނަވައެވެ.
ވާދަކުރެއްވި މިނިސްޓަރުންނާއި ސްޓޭޓު މިނިސްޓަރުންނާއި ސަރުކާރުގެ އިސް މަގާމުތަކުގައި ތިއްބެވި ޖޭޕީގެ މެމްބަރުންގެ ތެރެއިން ޑެޕިއުޓީ ލީޑަރު ކަމަށް އިންތިޚާބުވީ ހަމައެކަނި ނަހުލާއެވެ.
އެ މަޤާމަށް ވާދަކުރެއްވި ފިޝާރީޒް މިނިސްޓަރު ޑރ. ހުސައިން ރަޝީދު ހަސަން އާއި އެންވަޔަރަމަންޓް މިނިސްޓްރީގެ ސްޓޭޓް މިނިސްޓަރު ހަސަން މުޣުނީ އާއި ކޮންޓްރޯލާ އޮފް އިމިގްރާޝަން ހަނަފީ އާއި ރައްޔިތުންގެ މަޖިލީހުގެ އިސްދޫ ދާއިރާގެ މެންބަރު އަލީ ހަމީދަށް ވަނީ ނާކާމިޔާބީ ލިބިވަޑައިގެންފައެވެ.
ވިޔަފާރި ޕާޓީއެއް ދައުލަތުގެ މުދާ ހޯދުން އެމީހުންގެ ކަމަކީ !