އަލިފާނުގެ ހާދިސާގެ ސަބަބުން ފިޔޯރީ ސްކޫލަށް ކުރިމަތިވެފައިވާ ގޮންޖެހުންތަކާއި ބެހޭގޮތުން ނައިބު ރައީސަށް މަޢުލޫމާތު ހިއްސާކޮށްފި
އަލިފާނުގެ ހާދިސާގެ ސަބަބުން ފިޔޯރީ ސްކޫލަށް ކުރިމަތިވެފައިވާ ގޮންޖެހުންތަކާއި ބެހޭގޮތުން ނައިބު ރައީސް ފައިސަލް ނަސީމަށް، ކައުންސިލުން މަޢުލޫމާތު ހިއްސާކުރައްވައިފިއެވެ.
ގދ. ފިޔޯރީ ކައުންސިލް މެންބަރުންނާއި ބައްދަލުކުރައްވައި އެރަށުގެ ރައްޔިތުންގެ ހުރި ކަންބޮޑުވުންތަކާއި ގުޅޭގޮތުންނާއި ރަށުގެ ތަރައްޤީގެ މުހިންމު މަޝްރޫޢުތަކާ ގުޅޭގޮތުން ރައީސުލްޖުމްހޫރިއްޔާގެ ނައިބު ފައިޞަލް ނަސީމާއި ބައްދަލުކޮށް މައުލޫމާތު ހިއްސާކުރެއްވުމަށް ބޭއްވި ހާއްސަ ބައްދަލުވުމެއްގައި އަލިފާނުގެ ހާދިސާގެ ސަބަބުން ރަށުގެ ސްކޫލުގެ ކިޔެވުން ދެ ދަންފަޅިއަށް ބަދަލުކުރަންޖެހުމުންނާއި އެ ހާދިސާގެ ސަބަބުން ސްކޫލު ހިންގުމަށް މިހާރު ކުރިމަތިވެފައިވާ ދަތިތައް ފާހަގަކުރައްވައިފައެވެ.
އަދި އެ ބޭފުޅުން ވަނީ ރަށުގެ ޞިއްޙި މަރުކަޒު ހިންގުމުގައި ކުރިމަތިވާ ގޮންޖެހުންތައް ޙިއްޞާކުރައްވާފައެވެ. . މީގެ އިތުރުންވެސް ރަށުގެ ތަރައްޤީއަށްޓަކައި ހިންގާ ބައެއް މަޝްރޫޢުތައް ލަސްވަމުންދާތީ އެކަންކަން އަވަސް ކުރުމަށް ބޭނުންވާކަމުގައި އެބޭފުޅުން ފާހަގަކުރެއްވެވިއެވެ.
އެގޮތުން ފެނާ ނަރުދަމާގެ މަޝްރޫޢު އެބޭފުޅުން ފާހަގަކުރެއްވެވިއެވެ.
މިއަދުގެ ބައްދަލުވުމުގައި ރައީސުލްޖުމްހޫރިއްޔާގެ ނައިބު ވަނީ އެއްވެސް ރަށެއް ބާކީ ނުކުރުމުގައި ސަރުކާރުން ގެންގުޅުއްވާ ހަރުދަނާ ސިޔާސަތު ފާހަގަކުރައްވައިފައެވެ.
މީގެ އިތުރުން ކައުންސިލުން ފާހަގަކުރެއްވި ކަންކަމުގައި ސަރުކާރުގެ ކަމާގުޅޭ އިދާރާތަކާ މަޝްވަރާކުރައްވާ އެކަންކަމަށް އަވަސް ޙައްލެއް ހޯދުމަށް މަސައްކަތް ކުރައްވާނެކަމުގައި އެމަނިކުފާނު ވިދާޅުވިއެވެ.
އަނެއއކާ ނައިބުރައީސް އެޑުއިކޭޝަންގެ މިނިސްޓަރުކަމުގެ ހުވާވެސް ކުރެއްވީތޯ؟ ހާދަ ކުރިއަކަށް ޖައްސާލައިފިތާ ދޯ! އެހެންނަ މިހާރު ސުކޫލުތައް ކަންކަމާވެސް މި ބެހެނީ ނައިބުރައީސް ވިއްޔަ، އަނެއްކާ އެޑުއިކޭޝަން މިނިސްޓަރުވެސް ނުކުޅެދިގެންވާ ހާލަތެއް މެދުވެރި ވީތޯ، ނޫނީ ހަމަ ތައުލީމީ ވަޒީރަށް ލުއިފަސޭހަ ގޮތްތަކެއް ހިލޭ އެހީގެ ގޮތުގާ ދެއްވަނީތޯ.؟؟