ޤަވައިދާ ޚިލާފަށް ކާބޯތަކެތީގެ ޚިދުމަތްދޭ ތަންތަނުގެ މަޢުލޫމާތު އާންމު ކުރަނީ
ޤަވައިދާ ޚިލާފަށް ކާބޯތަކެތީގެ ޚިދުމަތްދޭ ތަންތަނުގެ ނަން އާންމު ކުރަން ނިންމާފައިވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ވިދާޅުވެއްޖެއެވެ.
އެ އޭޖެންސީން ނެރުއްވި ބަޔާނެއްގައި ވިދާޅުވީ، ކާބޯތަކެތީގެ ޚިދުމަތް ދިނުމުގައި ހުންނަންޖެހޭ ސާފުތާރިހުކަމުގެ މިންގަނޑުތައް ބަޔާންކުރާ ޤަވާއިދުގެ ދަށުން ކާބޯތަކެތީގެ ޚިދުމަތް ދޭންވާނީ އެޗްޕީއޭއިން ނުވަތަ އެޗްޕީއޭއިން ކަނޑައަޅާފައިވާ ފަރާތެއްގެ ހުއްދައާއި އެކުގައެވެ.
އެހެންނަމަވެސް ބައެއް ފަރާތްތަކުން މިޤަވާއިދާ ޚިލާފުވަމުންދާކަން މިހާރު ފާހަގަކުރެވިފައިވާތީ އެގޮތަށް ޢަމަލުނުކުރުމަށް އެޗްޕީއޭއިންވަނީ އިލްތިމާސްކުރައްވައިފައެވެ.
ޤަވައިދާ ހިލާފަށް ކާބޯތަކެތީގެ ޚިދުމަތް ދެމުން އަންނަ ތަންތަނުގެ މަޢުލޫމާތު އާންމު ކުރަން އެޗްޕީއޭއިން ނިންމާފައިވާއިރު، މީގެ ކުރިން ވެސް ޤަވައިދާ ހިލާފަށް ކޯބޯތަކެތީގެ ޚިދުމަތް ދެމުން އައި ތަންތަން ވަނީ ޖޫރިމަނާ ކޮށްފައެވެ.
ތީ އަރުވާއަޑެއް އެއްކަމެއްވެސްނުބެލޭނެ މިސަރުކާރަކައް
ފުރަތަމަބަލަންވީ ތިތަންތަނަކީ ހުއްދަދީގެންހިންގާތަނެއްތޯ ނޫންނަމަ ބަންގާޅިން ހިންގާތަންތަންތޯ މުޅިގައުމުބަންގާޅިންގެއައްމަތައްދޫކޮއްހުސްކޮއްފި