ރައީީސް ޔާމީންގެ ކެމްޕެއިން މެނޭޖަރަކަށް ކެޕްޓަން މުޙައްމަދު އަމީން

އިދިކޮޅު ލީޑަރު، ރައީީސް ޔާމީން އަބްދުލްޤައްޔޫމްގެ ކެމްޕެއިން މެނޭޖަރަކަށް ކެޕްޓަން މުޙައްމަދު އަމީން ހަމަޖައްސަވައިފިއެވެ. އޭނާ އަކީ އައިލެންޑް އޭވިއޭޝަންގެ ކުރީގެ އޮޕަރޭޝަންސް ޑިރެކްޓަރެވެ.

ކެޕްޓަން އަމީން އަކީ އިންޑިއާ ސިފައިން ރާއްޖެއިން ފޭބުމަށް ގޮވައިލައި ކުރި ކެމްޕެއިނުގައި، މީސްމީޑިއާގައި އެންމެ ބޮޑަށް ހަރަކާތްތެރިވެވަޑައިގެންނެވި އެއް ބޭފުޅާއެވެ.

ރައީސް ޔާމީންގެ ޑެޕިއުޓީ ކެމްޕެއިން މެނޭޖަރަކަށް ހަމަޖައްސާފައި ވަނީ، އެމަނިކުފާނުގެ ވެރިކަމުގައި ހެލްތު މިނިސްޓަރަކަށް ހުންނެވި ނާޒިމްއެވެ.   [caption id="attachment_185838" align="alignnone" width="1600"] ރައީސް ޔާމީންގެ ކެމްޕެއިން މެނޭޖަރު، ނާޒިމް[/caption] މިވަގުތު 11 އަހަރުގެ ޖަލު ޙުކުމެއް ތަންފީޒު ކުރައްވަމުން ގެންދަވާ ރައީީސް ޔާމީން އަށް، އަންނަ ސެޕްޓެމްބަރު މަހުގެ ނުވަ ވަނަ ދުވަހު ބާއްވާ ރިޔާސީ އިންތިޚާބުގައި ވާދަ ކުރެއްވޭނީ، އެމަނިކުފާނަށް އިއްވި ޙުކުމް ބާޠިލު ކުރުމުންނެވެ. ރައީީސް ޔާމީނަށް ކުރި ޙުކުމް ހައި ކޯޓުގައި އިސްތިއުނާފު ކޮށްފައިވާއިރު، އަދި އެ މައްސަލައިގެ  އަޑުއެހުންތައް ފަށައިފައެއް ނުވެއެވެ.