ނާޒިމްގެ ވެރިކަމެއްގަ އާއިލާތަކުގެ ޒަރޫރީ ބޭނުންތައް ފަސޭހައިން ހަމަޖެހޭނެ ނިޒާމެއް ގާއިމްކުރާނެ: ރިޔާޒު
މޯލްޑިވްސް ނޭޝަނަލް ޕާޓީ (އެމްއެންޕީ) ގެ ރިޔާސީ ކެންޑިޑޭޓް އަދި ދަނގެތީ ދާއިރާގެ މެމްބަރު މުހައްމަދު ނާޒިމްގެ ވެރިކަމެއްގަ އާއިލާތަކުގެ ޒަރޫރީ ބޭނުންތައް ފަސޭހައިން ހަމަޖެހޭނެ ނިޒާމެއް ގާއިމްކުރާނެ ރައްޔިތުންގެ މަޖިލީހުގެ ކިނބިދޫ ދާއިރާގެ މެމްބަރު ރިޔާޒު ވިދާޅުވެއްޖެއެވެ.
ރިޔާޒު ވިދާޅުވީ ނާޒިމްގެ ވެރިކަމެއްގައި ސިއްޙީ، އިޖުތިމާއީ، އަދި އިގްތިސޯދީ ކަންކަމަށް އިސްކަންދީގެން ބާއްޖަވެެރި އަދި އުފާވެެރި ބަޔަކަށް ދިވެހިން ހަދާނެ ކަމަށެވެ. “މަގޭ އާއިލާގެ ވޯޓު ނާޒިމަށް ޔަގީން” ރިޔާޒު ވިދާޅުވިއެވެ.
ނަޒީމްގެ މެނިފެސްޓޯގައި ބުނެފައިވަނީ ދިވެހިންގެ މެދުގައި އިސްލާމީ ވަޙުދަތު ހިފެހެއްޓުމާއި، ދިވެހިރާއްޖޭގައި ޒަމާނުއްސުރެ އޮންނަ ދީނީ އެއްބައިވަންތަކަން ޙިމާޔަތްކުރުމާއި، ކުރިއެރުވުމާއި، އަޅުގަނޑުމެންގެ ލޮބުވެތި މި ދިވެހި ފަސްގަނޑުގައި އިސްލާމްދީނުގެ އަސްލުތަކާއި ދިވެހިންގެ ސަގާފަތް އާލާކޮށް ދަމަހައްޓާނެ ކަމަށެވެ.
އަދި ދިވެހި ޒުވާނުންނަށް އުފާވެރި ދިރިއުޅުމެއް ހޯދައިދިނުމާއި، ފަންނީ އަދި ޒިންމާދާރު ރައްޔިތުންތަކެއްގެ ގޮތުގައި ޤައުމު އާރާސްތުކުރުމުގައި ދިވެހި ޒުވާނުން ޝާމިލު ކުރާނެ ކަމަށާއި ދިވެހި ޢާއިލާތަކަކުގެ ޒަރޫރަތުތައް ފަސޭހައިން ހަމަޖެހޭނެ ނިޒާމެއްގެ ތެރެއިން ކަންފަހިކޮށްދިނުމާއި، އާއިލީ ގުޅުން ބަދަހިވެވޭނެ އިންތިޒާމު ތަޢާރަފްކޮށް ކުރިއަރުވާނެ ކަމަށްވެސް ބުނެފައިވެއެވެ.
މިއަހަރުގެ ރިޔާސީ އިންތިޚާބު ބޭއްވުމަށް އިލެކްޝަންސް ކޮމިޝަނުން ނިންމާފައިވަނީ ސެޕްޓެމްބަރުމަހުގެ 9 ވަނަ ދުވަހުއެެވެ. އަދި އިންތިޚާބުގެ 2 ވަނަ ބުރެއް ބާއްވަން ޖެހޭނަމަސެޕްޓެމްބަރު 30 ގައި ދެވަނަ ބުރުގެ ވޯޓުލުން ބޭއްވުމަށްވެސް ވަނީ ނިންމާފައެވެ.
ޢެއް ކަމެވެސް ނުކުރާނެ ކަލޭ މެން ތީ ތިކަ ހަލަ ދޮގާ އޮލުވާ ލުމުގެ ވާހަކަ ދައްކަން ފަރިތަ ބައެއް ކަން ރައްޔިތުން ނައް އިނގޭ