ގޯތި ނުދެވޭނެ ކަމަށް ބުނި މީހުންނަށް ޢަލީ ޒާހިރުގެ ރައްދެއް

ސަރުކާރަށް ގޯތި ނުދެވޭނެކަމަށް ބުނި މީހުންނަށް މިއަދު ފިލާވަޅެއް ލިބޭނެކަމަށް ރައީސް އޮފީހުގެ ޗީފް އޮފް ސްޓާފް ޢަލީ ޒާހިރު ވިދާޅުވެއްޖެއެވެ.

Ads by STELCO

އޭނާ މިހެން ވިދާޅުވީ ސަރުކާރަށް ފާޑުކިޔާ ބައެއް ފަރާތްތަކުން އެކަން ނުވާނެކަމަށް ބުނަމުންދަނިކޮށް، ގޯތި ލިބޭ މީހުންގެ ވަގުތީ ލިސްޓު އިއްޔެ ނެރުމާއި ގުޅިގެންނެވެ.

ޢަލީ ޒާހިރު ވިދާޅުވީ މާލެ ރައްޔިތުންގެ ތެރެއިން ވަރަށް ދަތި ޙާލުގައި ދިރިއުޅެމުންދާ ފަރާތްތައް ހިމެނޭހެން 10،000 އަށްވުރެ ގިނަ މީހުންނަށް މިއަދު ބިމުގެ ޔަޤީންކަން ލިބިގެން ގޮސްފައިވާކަމަަށެވެ.

އަލީ ޒާހިރު ވިދާޅުވީ ގޯތި ބޭނުންވާ މީހުންނަށް ގޯތި ލިބިގެންދިއުމަކީ މި ސަރުކާރުން ރައްޔިތުންގެ އަޑު އަހާކަމުގެ އަލިގަދަ ހެއްކެއް ކަމަށާއި، ގޯތި ދިނުމަކީ ހަޤީޤަތެއް ނޫންކަމަށް ބުނަމުންދިޔަ ފަރާތްތަކަށް މިއީ ފިލާވަޅެއްކަމަށްވެސް އޭނާ ވިދާޅުވިއެވެ.