ތަރައްޤީގެ ވާހަކަ ދައްކަން ވާނީ ގައިން ޠާހިރުވެގެން ތިބެ: ރައީސް ޞާލިޙް
ތަރައްޤީގެ ވާހަކަދައްކަން ވާނީ ގައިން ޠާހިރުވެގެން ތިބެކަމަށް ރައީސް އިބްރާޙިމް މުޙައްމަދު ޞާލިޙް ވިދާޅުވެއްޖެއެވެ.
2023 ވަނަ އަހަރުގެ ރިޔާސީ އިންތިހާބުގެ ކެމްޕެއިން ތެރެއިން މ އަދި ވ އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން މ. ރަތްމަންދޫއަށް ވަޑައިގެން ބޭއްވި ޖަލްސާގައި ވާހަކަފުޅު ދައްކަވަމުން ރައީސް ޞާލިޙް ވިދާޅުވީ 2022 ގައި ހެދި ބޯހިމެނުމުން ދައްކާގޮތުގައި އެ ރަށުގައި ދިރިއުޅެނީ 100 އާއި 118 މީހުންނާ ދޭތެރޭގެ އަދަދެއް ކަމަށާއި މިފަދަ ކުދި އާބާދީތަކަށް ކުރީގެ ސަރުކާރުތަކުން މުޅިންހެން އިޙްމާލުވެފައި އޮތްކަމަށެވެ.
އެގޮތުން، އަސާސީ ޚިދުމަތްތަކުން އެފަދަ ރަށްތަކުގައި ދިރިއުޅޭ ރައްޔިތުން މަޙްރޫމުވެފައިވާއިރު، ރާއްޖޭގެ ޖީޑީޕީއަށް ބަލާއިރު މީހެއްގެ ބޮލަކަށް 12 ހާހަށްވުރެ ގިނަ ޑޮލަރު ޖެހޭއިރުގައި ރާއްޖޭގެ އެއްވެސް ރައްޔިތުަކު އަސާސީ ޚިދުމަތްތަކުން މަހްރޫމްވެގެން ނުވާނެކަމަށެވެ.
މީގެ އިތުރުން، މި ސަރަހައްދުން ދިވެހިރާއްޖެއަކީ، ޖީޕީގެ އަދަދު އެންމެ މަތިން ބޮލަކަށް ޖެހޭ ޤައުމުކަމަށާއި، ޖަޒީރާ ރާއްޖޭގެ ގޮތުގައި މެނިފެސްޓޯއެއް ހިފައިގެން ނުކުތް އެއް ސަބަބކީ ސަރުކާރާއި ދައުލަތަށް މި ލިބޭ އާމްދަނީ ހަމަހަމަކަމާއެކު ރައްޔިތުންނަށް ފޯރުކޮށްދިނުންކަމަށެވެ.
އަދި އަސާސީ ޚިދުމަތްތައް ނުލިބި ހުރި ރަށްރަށަށް އެ ޚިދުމަތްތައް ދިނުމަށް މި ސަރުކާރުން އިސްކަން ދިންއިރު އޭގެ ތެރޭގައި ރަތްމަންދޫވެސް ހިމެނޭކަމަށް އެމަނިކުފާނު ވިދާޅުވިއެވެ. އެގޮތުން އެރަށުގައި މިހާރުވެސް އެތައް މަޝްރޫއެއް ހިންގާކަމަށްވެސް ވިދާޅުވިއެވެ.
ރައީސް ޞާލިޙް ވިދާޅުވީ، ތަރައްގީގެ ވާހަކަ ދައްކަން ފައްޓަންވާނީ ގައިން ތާހިރުވެގެން ތިބެގެންކަމަށް އެއީ އެމަނިކުފާނު އަބަދުވެސް ވިދާޅުވާ ވާހަކައެއްކަމަށެވެ.
"އަޅުގަނޑުމެން އަބަދުވެސް ބުނަމުން އަންނަ ވާހަކައެއް. ތަރައްޤީގެ ވާހަކަ ދައްކަން ފަށްޓަންވާނީ ގައިތް ތާހިރުވެގެން ތިބެގެން. ފުރަތަމަ މީހާއަށް ސާފު ބޯފެނާއި ނަރުދަމާގެ ހިދުމަތާއި ލަފާ ފުރުމުގެ ފަސޭހަކަމާއި ސިއްހީ ހިދުމަތާއި ދަރިންނަށް ތައުލީމު ދެވޭނެ ގޮތެއް ނެތި ދެން ކޮން ތަރައްގީއެއްގެ ވާހަކައެއް ދައްކާކަށްތޯ؟" ރައީސް ޞާލިޙް ވިދާޅުވިއެވެ.
އަދި އެމަނިކުފާނުގެ ސަރުކާރުން ރައްޔިތުންނަށް އަސާސީ ޚިދުމަތްތައް ހޯއްދަވައިދެއްވުމަށް މަސައްކަތް ފެށްޓެވީ އެ ހިސާބުން ކަމަށާއި، ކުދި އާބާދީތަކުގައި ދިރިއުޅޭ ރައްޔިތުންނަށް މިއިން އެއްވެސް ކަމެއް މީގެ ކުރިން ކޮށްފައިނުވާ ކަމަށެވެ. އަދި މިއީ ރިޔާސީ ރޭހަކަށް ނުކުމެ އުޅޭ ބަޔަކަށް މުހިންމު ރަށަކަށް ނުވެދާނެކަމަށްވެސް ރައީސް ޞާލިޙް ފާހަގަކުރެއްވިއެވެ.
އެހެންނަމަވެސް މި ސަރުކާރުން ވިސްނީ އެއަށްވުރެ ބޮޑަށް ރައްޔިތުންނަށް ހިދުމަތްކޮށްދިނުމަށްކަމަށާއި، ރަތްމަންދޫގައި، ފެނާއި ނަރުދަމާގެ މަސައްކަތް މިހާރުވެސް ކުރިއަށްދާއިރު، އިންޖީނުގޭގެ މަސައްކަތް ނިމި، ފެނަކަ އޮފީހުގެ މަސައްކަތް ކުރިއަށްދާކަމަށް އެމަނިކުފާނު ވިދާޅުވިއެވެ.
މީގެ އިތުރުން، ކުދި ކުދި ރަށްރަށަށް ދިރުން އަންނާނީ ދަތުރުފަތުރުގެ ނިޒާމުން މުޅި އަތޮޅާއި މުޅި ރާއްޖެ ގުޅުމުން ކަމަށްވާތީ އެ މަސައްކަތްވެސް ކުރިއަށްގެންދާކަމަށް ރައީސް ޞާލިޙް ވިދާޅުވިއެވެ.
ާަރައްޔިތުން ތާހިރުކުރާނީ ސަރުކާރުން….