އިންޑިއާއިން ވިސްނަނީ ދެކުނު އޭޝިއާގެ ޤައުމުތަކަށް ހަކަތަ ވިއްކަން
މިޔަންމާ އާއި ތައިލެންޑް މެދުވެރިކޮށް ދެކުނު އިރުމަތީ އޭޝިއާގެ ގައުމުތަކާ އެކު ވިޔަފާރީގެ ބާރު ތައް ވިއްކުމަށް އިންޑިއާއިން ވިސްނަމުންދާ ކަމަށް އިންޑިއާގެ ފަސް މަސްދަރަކުން ބުނެފި އެވެ.
އިންޑަސްޓްރީގެ އޮފިޝަލަކު ވިދާޅުވި ގޮތުގައި ގްރިޑް ލިންކޭޖްތައް ނިންމަން މަދުވެގެން ހަތަރު އަހަރު ނަގާނެ ކަމަށާއި އެއީ ޔުނައިޓެޑް އަރަބް އެމިރޭޓްސް ފަދަ މެދުއިރުމަތީގެ ގައުމުތަކާ އެކު ބާރުގެ ވިޔަފާރި ފެށުމަށް އިންޑިއާ އިން ކުރާ މަސައްކަތަށް ތަބާވާ ކަމެކެވެ.
މީގެ އިތުރުން ޕަވާ މިނިސްޓްރީގެ ހަތަރު އޮފިޝަލަކު ވެސް ހިމެނިވަޑައިގަންނަވާ އެ ފަރާތްތަކުން ނަން ހާމަކުރަން ދެކޮޅު ހެދީ ކުރިން ރިޕޯޓް ކޮށްފައި ނުވާ ޕްލޭން އާންމުކޮށްފައި ނުވާތީ އެވެ. މިކަމާ ގުޅިގެން އިންޑިއާގެ ފެޑެރަލް ޕަވާ މިނިސްޓްރީގެ ބަހެއް އަދި ވަނީ ލިބޭ ގޮތް ނުވެފަ އެވެ.
އިންޑިއާގެ ބޮޑުވަޒީރު ނަރެންދުރަ މޯދީގެ ސަރުކާރުން ދަނީ ޗައިނާގެ ސަރަޙައްދީ ނުފޫޒު އިތުރުވަމުންދާދަނޑިވަޅެއްގައި އަވަށްޓެރި ޤައުމުތަކާއެކު ސިޔާސީ އަދި އިޤްތިޞާދީ ގޮތުން ގާތް ގުޅުމެއް ބާއްވަން މަސައްކަތް ކުރަމުންނެވެ.
އިންޑިއާގެ ގޯއާ ސްޓޭޓްގައި މިހާރު ކުރިއަށްދާ ގްރޫޕް އޮފް 20 (ޖީ20) ގެ މިނިސްޓީރިއަލް ބައްދަލުވުންތަކުގައި ރީޖަނަލް ޕަވާ ގްރިޑް އިންޓަކަނެކްޝަންތައް ކުރިއަށް ގެންދިއުމާ ގުޅޭ ގޮތުން އިންޑިއާގެ ހަކަތައިގެ އޮފިޝަލުން ބައެއް ގައުމުތަކާ އެކު ވަކިވަކިން އަދި ގްރޫޕް ޑިސްކަޝަންތަކެއް ބާއްވަމުން އަންނަ ކަމަށް ޕަވާ މިނިސްޓްރީގެ އޮފިޝަލުން ވިދާޅުވެއްޖެ އެވެ.
މިނިސްޓްރީގެ އޮފިޝަލަކު ވިދާޅުވީ އިންވެސްޓްމަންޓް ނިންމުންތައް ނިންމުމުގައި ބޭންކަރުންނާއި ޑިވެލޮޕަރުންގެ ތާއީދު ހޯދުމުގައި ޖީ20 ގެ މެންބަރުންގެ އެއްބާރުލުން މުހިންމު ކަމަށް ބެލެވޭ ކަމަށެވެ.
