މާލޭގައި މިރޭ 5 ސިކުންތަށް ހަވާ އަރުވަނީ
މިރޭ މާލޭގައި ފަސް ސިކުންތަށް ހަވާ އަރުވަން ނިންމާފައިވާ ކަަމަށް އެެމްއެންޑީއެފް އިން ބުނެފިއެވެ.
އެމްއެންޑީއެފުން ބުނީ މި ހަރަކާތަކީ މިނިވަން ދުވަހުގެ ފަރިތަކުރުންތަކުގެ ތެރެއިން ކުރިޔަށްގެންދާ ހަރަކާތެއް ކަމަށެވެ.
މި ހަރަކާތް ކުރިޔަށްދާނީ 21:30 އާއި 23:00 އާ ދެމެދުގެ ވަގުތެއްގައި، ގަލޮޅު ދަނޑުގައި ގާތްގަނޑަކަށް 5 ވަރަކަށް ސުކުންތަށް ކަމަށް އެމްއެންޑީއެފުން ބުންޏެވެ.
މި އަހަރުގެ މިނިވަން ދުވަހުގެ މުނާސަބަތުގައި ރައީސުލްޖުމްހޫރިއްޔާ އާއި އެމަނިކުފާނުގެ އަނބިކަބަލުން ފަޒްނާ އަޙްމަދު ބާއްވަވާ ހާއްސަ ރަސްމިއްޔާތު އޮންނާނީ ޖުލައި 25 ވަނަ ދުވަހުގެ ރޭގެ ވަގުތެއްގައެވެ. އެ ރަސްމިއްޔާތު ބޭއްވުމަށް ހަމަޖެހިފައި ވަނީ އިސްލާމީ މަރުކަޒުގައެވެ.
Ads by Allied Insurance