Thursday, 19 November 2026
Advertisement
Ooredoo — Article-Top (leaderboard)
ދުނިޔެ

އިންޑިއާއިން ބޭރު ގައުމުގެތަކުގެ ލެޕްޓޮޕް އިންޕޯޓް ކުރާއިރު ލައިސެންސް ނަގަން ޖެހޭ

އިންޑިއާއިން ބޭރު ގައުމުގެތަކުގެ ލެޕްޓޮޕް އިންޕޯޓް ކުރާއިރު ލައިސެންސް ނަގަން ޖެހޭ

ލެޕްޓޮޕާއި ޓެބްލެޓާއި ޕާސަނަލް ކޮމްޕިއުޓަރު އެތެރެކުރުމަށް ލައިސަންސް ދޭން ޖެހޭ ގޮތަށް އިންޑިއާއިން މިހާރުން މިހާރަށް އަމަލުކުރަން ފަށާނެ ކަމަށާއި މިއީ އެޕަލް، ޑެލް އަދި ސެމްސަންގް ފަދަ ކުންފުނިތަކަށް ބޮޑެތި ގެއްލުންތަކެއް ލިބި، ލޯކަލް މެނުފެކްޗަރިން ކުރިއެރުވުމަށް މަޖުބޫރުވެދާނެ ފިޔަވަޅެއް ކަމަށް އިންޑިއާއިން ބުރާސްފަތި ދުވަހު ބުނެފި އެވެ.

އިންޑިއާގައި މިހާރު އަމަލުކުރަމުންދާ ގަވައިދުތަކުގެ ދަށުން ކުންފުނިތަކަށް މިނިވަންކަމާއެކު ލެޕްޓޮޕް އެތެރެކުރުމުގެ ހުއްދަ ދީފައިވީ ނަމަވެސް، އިންބައުންޑް ޓީވީ ޝިޕްމަންޓަށް އިންޑިއާއިން 2020 ވަނަ އަހަރު އަޅާފައިވާ ފިޔަވަޅުތަކާ އެއްގޮތަށް މި އުފެއްދުންތަކަށް ހާއްސަ ލައިސަންސެއް ދޭން އާ ގަވައިދުގައި ލާޒިމްކޮށްފައިވެ އެވެ.

އިންޑަސްޓްރީގެ އެގްޒެކެޓިވްސް އިން ބުނީ ލައިސަންސް ދިނުމުގެ ނިޒާމުގެ މާނައަކީ އެ ކުންފުނިން ތައާރަފްކުރާ ކޮންމެ އާ މޮޑެލަކަށް ދިގު އިންތިޒާރެއް ކުރުން ކަމަށާއި މިއީ އާންމުކޮށް ވިއްކާ މިންވަރު އިތުރުވާ އިންޑިއާގައި ފެސްޓިވަލް ސީޒަނަކާ ދިމާކޮށް އަންނާނެ ކަމެއް ކަމަށެވެ.

Advertisement
Ooredoo — Square (box)

ސަރުކާރުން ނެރުނު އިއުލާނުގައި މިކަން ހިނގަން މެދުވެރިވި ސަބަބެއް ހާމަކޮށްފައި ނުވި ނަމަވެސް ބޮޑުވަޒީރު ނަރެންދުރަ މޯދީގެ ސަރުކާރުން ގެންދަވަނީ އޭނާގެ "މޭކް އިން އިންޑިއާ" ޕްލޭންގެ ދަށުން ލޯކަލް މެނުފެކްޗަރިން ޕްރޮމޯޓްކޮށް އިމްޕޯޓް ކުރުމަށް ހިތްވަރު ދެމުންނެވެ.

ލެޕްޓޮޕާއި ޓެބްލެޓާއި ޕާސަނަލް ކޮމްޕިއުޓަރު ހިމެނޭ ގޮތަށް އިންޑިއާގެ އިލެކްޓްރޯނިކްސް އިމްޕޯޓް އޭޕްރީލް މަހުން ފެށިގެން ޖޫން މަހުގެ ނިޔަލަށް 19.7 ބިލިއަން ޑޮލަރަށް އަރާފައިވާއިރު، މިއީ އަހަރުން އަހަރަށް ބަލާއިރު 6.25 އިންސައްތަ އިގެ ކުރިއެރުމެކެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.