ދިޔާނާގެ ތާއީދު ރައީސް ޞާލިޙަށް
ކުރިޔަށް އޮތް ރިޔާސީ އިންތިޚާބުގައި، ކުރީގެ ބަންޑާރަ ނައިބު ދިޔާނާ ސައީދު ރައީސް އިބްރާހީމް މުޙައްމަދު ޞާލިޙަށް ތާއީދު ކުރައްވަން ނިންމަވައިފިއެވެ.
މީގެ ކުރިން ސަރުކާރަށް ވަރަށް ބޮޑަށް ފާޑުވިދާޅުވަމުން ގެންދެވި ދިޔާނާ ވަނީ އެމްޑީޕީގެ ރިޔާސީ ކެންޑިޑޭޓް، ރައީސް ޞާލިޙުގެ ރަނިންމޭޓް، އަދި މަޖިލީހުގެ ހިތަދޫ އުތުރު ދާއިރާގެ މެމްބަރު، ރަނިންމޭޓް މުޙައްމަދު އަސްލަމް އަށް ވަރަށް ބޮޑަށް ތައުރީފު ކުރައްވައިފައެވެ.
އެގޮތުން މާލޭގައި ދިރިއުޅޭ އައްޑޫ ސިޓީގެ ރައްޔިތުންނާއި ބައްދަލު ކޮށްލެއްވުމަށް ރޭ ބޭއްވި ބައްދަލުވުމުގައި، ވާހަކަ ދައްކަވަމުން ދިޔާނާ ވިދާޅުވެފައިވަނީ، އަސްލަމަކީ ރައްޔިތުންގެ މަޖިލީހުގެ ދައުރު ފުރިހަމަ ކުރައްވާފައިވާ، ހުލްގު ހެޔޮ ބޭފުޅެއް ކަމަށެވެ.
އަދި އަސްލަމަކީ އައްޑޫ ރައްޔިތުންނަށް ވަރަށް ބޮޑަށް ހެޔޮ އެދޭ ބޭފުޅެއް ކަމަށާއި، އެފަދަ ބޭފުޅަކު މުޅި ރާއްޖެއިން ވެސް ނުހޯދޭނެ ކަމަށް ވިދާޅުވިއެވެ.
ދިޔާނާ ރައީީސް ޞާލިޙަށް ތާއީދު ކުރައްވަން ނިންމެވިއިރު، ވަރަށް ފަހަކާ ޖެހެންދެން، އޭނާ ގެންދެވީ ސަރުކާރަށް ވަރަށް ބޮޑަށް ފާޑުވިދާޅުވަމުންނެވެ. އަދި މިދިޔަ ޖެނުއަރީ މަހުގެ 28 ވަނަ ދުވަހު ބޭއްވި އެމްޑީޕީގެ ރިޔާސީ ޕްރައިމަރީގައި އޭނާ ތާއީދު ކުރައްވައިފައިވަނީ އެ ޕާޓީގެ ރައީީސް މުޙައްމަދު ނަޝީދަށެވެ.
ދިޔާނާވެސް އުފާވާ ވަރަށް ލިބުނީ ނުންތޯ !
މިދިޔަ 60 ހަކަށް އަހަރު ތެރޭގައި ވެރިކަން ކުރިމީހުން ދައުލަތުގެ މާލިއްޔަތު އެމީހުންގެ ޖީބަށް ނުލިނަމަ ރައްޔިތުން އުޅޭނީ ތަނަސްކޮށް އުފަލުން !
ދިޔާނާވެސް ފައިސާއާ މަގާމުބޭނުންވާނެތާ! އެމްޑީޕީ އިން ބަހަމުން އެދާފަޅުތަކާއި ރަށްތައް، އަދިގޯތިތައް އެމްޑީޕީއަށް މަތިން ފޭބިތަކެތިކަންނޭގެ!