Tuesday, 17 November 2026
Advertisement
Ooredoo — Article-Top (leaderboard)
ސިޔާސީ

ރައީސް ޔާމީންގެ މެސެޖެއް: ނުޙައްޤުން އަނިޔާ ދިނުމުގައި ރައީސް ނަޝީދު ވެސް ބައިވެރިވޭ

ރައީސް ޔާމީންގެ މެސެޖެއް: ނުޙައްޤުން އަނިޔާ ދިނުމުގައި ރައީސް ނަޝީދު ވެސް ބައިވެރިވޭ

އަންނަ މަހުގެ 9 ވަނަ ދުވަހު އޮންނަ ރިޔާސީ އިންތިހާބުގައި ދި ޑިމޮކްރެޓްސްގެ ފަރާތުން ވާދަކުރައްވާ ކެންޑިޑޭޓް އިލްޔާސް ލަބީބްގެ ކެމްޕެއިން ޖަލްސާގައި ވާހަކަ ދައްކަވަމުން މަޖިލީހުގެ ރައީސް މުހައްމަދު ނަޝީދު ވަނީ ވަގުތުން ވަގުތައް އިދިކޮޅު އިއްތިހާދުގެ ލީޑަރ ރައީސް އަބްދުﷲ ޔާމީން އަބްދުލްގައްޔޫމް މިނިވަން ކުރުމަށް ގޮވާލާފައެވެ.

އެވާހަކައަށް ރައްދު ދެއްވާ ރައީސް ޔާމީން ވަނީ އެމަނިކުފާނުގެ އިސް ޤާނޫނީ ވަކީލް ޑރ.މުހައްމަދު ޖަމީލް އަހްމަދު މެދުވެރިކޮށް ރައްޔިތުންނަށް ވަކިން ޚާއްސަކޮށް ޕީޕީއެމް/ޕީއެންސީގެ ސަޕޯޓަރުންނާއި އާންމު މެންބަރުންނަށް މެސެޖެއް ފޯރުކޮށްދެއްވާފައެވެ.
އެގޮތުން އެމަނިކުފާނު ވިދާޅުވީ ނުހައްގުން ދެމުން މިދާ އަނިޔާތަކުގައި ރައީސް ނަޝީދުވެސް ބައިވެރިވެވަޑައިންނަވާކަމަށެވެ. އަދި އެމަނިކުފާނަށް ޝަރުއީ މަރުޚަލާގެ ތެރެއިން މި ސަރުކާރުން ދެމުން ގެންދިޔަ އަނިޔާތަކުގައި ރައީސް ރައީސް ނަޝީދަކީ ހިއްސާ ދާރެއްކަމަށް ވެއެވެ.

"ރައީސް ޔާމީން ޤަބޫލުފުޅު ކުރައްވަނީ އެމަނިކުފާނަށް މި އަނިޔާ ދިނުމުގައި އިސްކޮށް ހުންނެވީ ރައީސް އިބްރާހިމް ކަމުގައި ވާއިރު ހަމައެއްވަރަކަށް ޖޭއެސްސީގެ ތެެރެއިން ރައީސް ނަޝީދު މި އަނިޔާ ދިނުމުގައި ބައިވެރިވާކަން" ރައީސް ޔާމީން މިނިވަން ކުރުމަށް ގޮވާލާ ހަވީރު ކުރިޔަށް ދިޔަ ސުލްޙަވެރި އިހްތިޖާޖްގައި ރައީސް ޔާމީންގެ މެސެޖް ދެއްވަމުން ޑރ.ޖަމީލް ވިދާޅުވިއެވެ.

Advertisement
Ooredoo — Truecaller (box)

އޭގެއިތުރުން ޑިމޮކްރެޓްސްގެ ބޭފުޅުން ޖަހާ ސަކަރާތްތަކުގައި އިދިކޮޅުގެ އެއްވެސް ބޭފުޅަކު ބައިވެރި ނުވުމަށް ވެސް އެމަނިކުފާނު އިލްތިމާސްކުރެއްވި ކަމަށް ޑރ.ޖަމީލް ވިދާޅުވިއެވެ. ރައީސް ނަޝީދު، ރައީސް ޔާމީން މިނިވަން ކުރުމަށް ގޮވާލާ މިހާރު އަޑުއުފުލަނީ ސިޔާސީ ބޭނުމެއް ހާސިލްކުރުމަށް ކަމަށް ވެސް ޑރ.ޖަމީލް ގެ ވާހަކައިގައި ވަނީ ފާހަގަވެގެންގޮސްފައެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.