މާރިޔާ ޤާސިމަށް: ސިޔާސީ ވާހަކައިގެ ތެރެއަށް ސިފައިން ނުވައްދަވާ

ކުރިއަށް އޮތް ރިޔާސީ އިންތިޚާބުގެ ކެމްޕޭނަށް ޖުމްހޫރީ ޕާޓީން ހދ. ނޮޅިވަރަންފަރުގައި ބޭއްވި ޖަލްސާގަައި ވާހަކަފުޅު ދައްކަވަމުން ޤާސިމް ވިދާޅުވީ ރާއްޖޭގެ ސިފައިންނަށް ނުވަދެވޭ ބައެއް ތަންތަން ރާއްޖޭގައި ހުރި ކަމަށް އަޑު އިވިވަޑައިގަންނަވާކަމެވެ.
އެމްޑީޕީގެ ރިޔާސީ ކެމްޕޭނުގެ ތަރުޖަމާނުގެ ހައިސިއްުޔަތުން މިއަދު ބޭއްވެވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން މާރިޔާ ވިދާޅުވީ، ސިޔާސީ ޕޯޑިއަމްތަކުގައި ސިފައިންނާ ބެހޭ ގޮތުން އެފަދަ ވާހަކަ ދައްކާތީ ސިފައިން ނުރުހުންފާޅުކުރަމުންދާ ކަމަށާއު ނުރުހުން ފާޅުކުރަމުންދާ ސިފައިންގެ ތެރޭގައިި އެކި ރޭންކްތަކުގެ ބޭފުޅުން ހިމެނިވަޑައިގަންނަވާ ކަމަށެވެ.
"ރައީސް ސޯލިހުގެ ސްޕޯކްސްޕާސަން އެއް ހެން އަރައި ހުއްޓަސް އަޅުގަނޑުގެ ޕޯޓްފޯލިއޯ އަކީ މިނިސްޓަރް އޮފް ޑިފެންސް. އަޅުގަނޑަށް ސިފައިން، ހުރިހާ ދިމާލަކުން ވެސް، އެކި ރޭންކްތަކުގެ މީހުން އައިސް، އެމީހުން އެބަ ނުރުހުން ފާޅުކުރޭ ސިފައިންނާ ދިމާލަށް ސިޔާސީ ޕޯޑިއަމްތަކުގައި މިއަދު އެތާ ތިއްބެވި ހުރިހާ ސިފައިންނަކީ ތާޑް ގްރޭޑް ސިފައިން ކަމަށް ބުނާތީ. އެކަން އަޅުގަނޑު ވަރަށް ހަރުކަށި އިބާރާތުން ކުށްވެރިކުރަން" މާރިޔާ ވިދާޅުވި އެވެ.
އަދި ސިފައިންގެ ޤާބިލުކަން މިދިޔަ ފަސް އަހަރުގެ ތެރޭގައި ގިނަ މަސައްކަތްތަކަކުން ފެނިވަޑައިގެން ދިޔަކަމަށާއި މިއިން ޒަމާނަކު ވެސް އެކަމަށް ސަރުކާރަކުން ހަރަދުނުުކުރާ ވަރަށް ރައީސް ޞާލިޙުގެ ސަރުކާރުން އެކަމަށް ޚަރަދުކޮށްފައިވާކަމަށްވެސް މާރިޔާ ވިދާޅުވިއެވެ.
"އެހެންވީމާ އަޅުގަނޑު ހަމަ ދަންނަވައިލަން އޮތީ، ކަމޯން، ސިފައިން މީގެ ތެރެއިން، [ސިޔާސީ ވާހަކައިގެ ތެރެއިން] ބޭރުކުރައްވާށޭ،" މާރިޔާ ވިދާޅުވި އެވެ.
އެހެންކަމުން ސިޔާސީ ވާހަކަތަކުގެ ތެރެއަށް ސިފައިން ނުވެއްދުމަށް މާރިޔާވަނީ އިލްތިމާސްކުރައްވާފައެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.