Tuesday, 17 November 2026
Advertisement
Ooredoo — Article-Top (leaderboard)
ސިޔާސީ

ވަކި ކުލައެއްގެ ގަލަމުން ވޯޓު ކަރުދާހުގައި ފާހަގަޖެހުމަށް ބައެއް މުވައްޒަފުންނަށް އަންގަމުންދާ ކަމަށް ބުނެ އެމްއެންޕީން ޝަކުވާ ހުށަހަޅައިފި

ވަކި ކުލައެއްގެ ގަލަމުން ވޯޓު ކަރުދާހުގައި ފާހަގަޖެހުމަށް ބައެއް މުވައްޒަފުންނަށް އަންގަމުންދާ ކަމަށް ބުނެ އެމްއެންޕީން ޝަކުވާ ހުށަހަޅައިފި

ވަކި ކުލައެއްގެ ގަލަމުން ވޯޓު ކަރުދާހުގައި ފާހަގަޖެހުމަށް ސަރުކާރުގެ ބައެއް ކުންފުނިތަކުން މުވައްޒަފުންނަށް އަންގަމުންދާ ކަމަށް ބުނެ މޯލްޑިވްސް ނެޝަނަލް ޕާޓީ (އެމްއެންޕީ) އިން އިލެކްޝަންސް ކޮމިޝަން (އީސީ) އަށް އިއްޔެ ޝަކުވާ ހުށަހަޅައިފިއެވެ.

އެ ޕާޓީން އީސީ އަށް ފޮނުވި ސިޓީއެއްގައި ބުނެފައިވަނީ އިންތިހާބުގައި ވޯޓުދިނުމުގެ ހައްގާއި އެ ވޯޓަކީ ސިއްރު ވޮޓެއްކަން ކަށަވަރުކޮށްދިނުމަކީ އިލެކްޝަންސް ކޮމިޝަންގެ މަސްއޫލިއްޔަތުތަކުގެ ތެރޭގައި ހިމެނޭ ކަމެއް ކަމަށެވެ. އަދި ރިޔާސީ އިންތިހާބުގައި ވާދަކުރާ އެހެން ކެންޑިޑޭޓުންނަށް ތާއީދު ހޯދުމަށް ޤާނޫނާ ހިލާފަށް ދައުލަތުގެ ރިސޯސްތައް ބޭނުންކުރާކަން ސަމާލު ކަމަށް އައިސްފައިވާ ކަމަށް ބުނެފައިވެއެވެ.

އެގޮތުން, ކުންފުނިތަކުގެ އިސްވެރިން އެދޭ ގޮތަށް ވަކި ކުލައެއްގެ މާކަރަކުން ނުވަތަ ގަލަމަކުން ވޯޓު ކަރުދާހުގައި ފާހަގަޖެހުމަށް އެ ކުންފުނިތަކުގެ މުވައްޒަފުންނަށް މަޖުބޫރު ކުރަމުންދާ ކަމުގެ ޝަކުވާ އެ ކުންފުނިތަކުގެ މުވައްޒަފުން ކުރަމުންދާ ކަމަށާއި މިއީ ގާނޫނުއަސާސީގައި ބަޔާންކޮށްފައިވާ ގޮތަށް ވޯޓުގެ ސިއްރުކަން ގެއްލިދާނެ ފަދަ އަމަލެއް ކަމަށް ބުނެފައިވެއެވެ.

Advertisement
Allied — Dhen Online (box)

އެމްއެންޕީން ވަނީ ކުރިޔަށް އޮތީ މިނިވަން އަދި އިންސާފުވެރި އިންތިހާބެއް ކަން ކަށަވަރުކުރުމަށްޓަކައި، މި ކަންކަމާ މެދު މަޝްވަރާކުރަން ގައުމީ ލަފާ ދޭ ކޮމިޓީގެ ބައްދަލުވުމެއް ބާއްވައި ދިނުމަށް އީސީގެ ކިބައިން އެދިފައިއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.