ހިޔާލު ތަފާތުވިޔަސް އަޅުގަނޑަށް ވޯޓު ދެއްވާ: ރައީސް ޞާލިޙް
ކުރިއަށް ރިޔާސީ އިންތިޚާބުގައި ސިޔާސީ ގޮތުން ޚިޔާލުތަފާތުވި ނަމަވެސް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙްއަށް ވޯޓު ދެއްވުމަށް އެމަނިކުފާނު ވިދާޅުވެއްޖެއެވެ.
ރިޔާސީ އިންތިޚާބުގެ ކެމްޕޭނުގައި ރަށްރަށަށް ކުރައްވާ ދަތުރުފުޅުތަކުގައި ރ. އަލިފުއްޓަށް ވަޑައިގެން ވާހަކަފުޅު ދައްކަވަމުން ރައީސް ޞާލިޙް ވިދާޅުވީ އެމަނިކުފާނުގެ އަމާޒަކީ ރާއްޖެއަށް "ބޮޑު ހެޔޮ ބަދަލެއް" ގެނައުން ކަމަށާއި އެކަމުގައި ހުރިހާ ރައްޔިތުން ބައިވެރިވުމަކީ އެމަނިކުފާނުގެ އެދިވަޑައިގަތުމެއް ކަމަށެވެ.
"އަޅުގަނޑުގެ އިލްތިމާސަކީ ސިޔާސީ ހިޔާލު ތަފާތުވިޔަސް ރާއްޖޭގެ ތަރައްގީއަށް ކުރާ މަސައްކަތުގައި މިފަހަރު ހުރިހާ ބޭފުޅުން ބައިވެރިވެވަޑައިގެން އަޅުގަނޑަށް ވޯޓު ދެއްވަން،" ރައީސް ވިދާޅުވި އެވެ.
މީގެ އިތުރުން، ކުރީގެ ރައީސް، ރައީސް އަބްދުﷲ ޔާމީންގެ ސަރުކާރުގައި ކުދި ރަށްތައް ބާކީކޮށްފައިވާ ކަމަށާއި ނަމަވެސް އެމަނިކުފާނުގެ ޕޮލިސީއަކީ ހުރިހާ ރަށެއް އެއްވެސް ތަފާތެއްނެތި ތަރައްގީ ކުރުން ކަމަށް ރައީސް ޞާލިޙް ފާހަގަކުރެއްވިއެވެ.
"ކޮންމެ ރައްޔިތަކު އިހުސާސް ކުރަންޖެހުނީ ބިރުވެރިކަމާއި ނާމާންކަމާއި ހިތްދަތިކަން. އަދި ހާއްސަކޮށް ވަކިވަކިން މި އޮންނަ މިފަދަ ރަށްތަކުގެ ރައްޔިތުންނަށް އަޅަ ނުލައި އެކަހެރިކޮށް ދޫކޮށްލާފައި އޮތީ. އެބޭފުޅުންނަށް މުހިންމު ބަޔަކަށް މި ރަށްތަކުގައި ދިރިއުޅޭ ރައްޔިތުން ނުވި،" ރައީސް ޞާލިޙް ވިދާޅުވި އެވެ.
ސެޕްޓެމްބަރު 9 ވަނަ ދުވަހު ބާއްވާ ރިޔާސީ އިންތިޚާބުގައި ރައީސް ޞާލިޙުއާއި ވާދަކުރައްވަނީ ޕީއެންސީގެ ކެންޑިޑޭޓު ޑރ. މުޙައްމަދު މުއިއްޒު، ދަ ޑިމޮކްރެޓްސްގެ ކެންޑިޑޭޓު އިލްޔާސް ލަބީބު، އެމްއެންޕީގެ ކެންޑިޑޭޓު މުޙައްމަދު ނާޒިމު އަދި އަމިއްލަގޮތުން ވާދަކުރައްވާ އުމަރު ނަސީރު، ފާރިސް މައުމޫނު އަދި ހަސަން ޒަމީލެވެ.
ޖޯކަރެއްނު! ބީތާއެކޭ ކިޔަނީ ކިޔަން ވެގެން.
އެމްޑީޕީ ސަރުކާރުގައި ނެތިއްޔާ މިތާގައި އޮންނާނީ ނާމާންކަން ބިރުވެރިކަން އެއީ އެމްޑީޕީ އޮންނާނީ މަގުމަތީގައި ކުއްކުރަން މަގުމަތި ހަލަބޮލިކުރަން މުޒާހަރާ ކުރަން، އެހެން މީހުން އެމްޑީޕީގެ ވެރިންގެ ވެެރިކަމުގައި އެގޮތަށް ނޫޅޭތީ އަމާންވަނީ !
މިސަރުކާރުގަި ހުރިހާ ނުބައި ކަމެއް ކުރި ތަޢާރަފް ކރި
ޔާމީނުގެ ދުވަސް ވަރުގައި އުފެދުނު ބިރުވެރިކަމަކީ އެމްޑީޕީން އުފައްދާ ބިރުވެރިކަން ، މަގުމަތި ނާމާން ކޮށް މުޒާހަރާކޮށަ ޤައުމު ހަލަބޮލި ކުރީ އެމްޑީޕީން ނުންތަ، އެމްޑީޕީ ވެރިކަމުގައި ނެތިއްޔާ މިތަން ހަލަބޮލިވާނެ ބިރުވެރިވާނެ !