ކޮންމެ ވޯޓަކަށް ރައީސް ޞާލިޙް 30،000 ރުފިޔާ ދޭ: ޤާސިމް
ރައީސް އިބްރާހިމް މުހައްމަދު ޞާލިޙް ކޮންމެ ވޯޓަކަށް 20،000ރ. ނޫނީ 30،000ރ. ދޭ ކަމަށް ޖުމްހޫރީ ޕާޓީ (ޖޭޕީ) ގެ ރިޔާސީ ކެންޑިޑޭޓު އަދި ލީޑަރު ގާސިމް އިބްރާހިމް ވިދާޅުވެއްޖެއެވެ.
ރިޔާސީ އިންތިހާބުގެ ކެންޕެއިނަށް ހއ. އިހަވަންދޫއަށް ވަޑައިގެން ބޭއްވި ޖަލްސާގައި ވާހަކަފުޅުދައްކަވަމުން ޤާސިމް ވިދާޅުވީ ރައީސް ޞާލިޙް އެ ހުންނެވީ ރައްޔިތުންގެ މަޖިލިހުގައި ތަޅު އަޅުވައިގެން ކަމަށެވެ.
އަދި ގާނޫނުއަސާސީއާ ހިލާފަށް ކަނޑުގެ އެއްބައި ދޫކޮށް، ގާނޫނުއަސާސީއާ ހިލާފަށް ބޭރުގެ ސިފައިން ވެސް ރާއްޖެއަށް ގެނެސްފައިވާ ކަމަށއ ޤާސިމް ވިދާޅުވިއެވެ.
ޤާސިމް ވިދާޅުވީ ދަޢުލަތުން ރައީސް ޞާލިޙަށް ފައިސާ ދިނުމުން ކަންތައްތައް ކުރަނީ ގާނޫނުއަސާސީއާ ހިލާފަށް ކަމަށާއި “މިއަދު ވޯޓަކަށް 30،000 ރުފިޔާ، 20،000 ރުފިޔާ ދީގެން ވެރިކަމަށް އަންނަން ބޭނުން ވަނީ ކޮން ކަމަކަށްތޯ” ޤާސިމް ސުވާލުކުރެއްވިއެވެ.
އަދި ވޯޓަކަށް އެހާ ފައިސާ ފައިސާ ބަހަނީ ކޮންތަނަކުން ހޯދި ފައިސާއަކުންތޯ ވެސް ޤާސިމް ވަނީ ސުވާލުކޮށްފައެވެ.
މީގެ އިތުރުން ގާސިމް ވިދާޅުވީ ކޮރަޕްޓް ސަރުކާރުތައް އަލުން ބަލުން ގެނެސްގެން ރައްޔިތުންނަށް ލިބޭނެ އެއްވެސް ކުރިއެރުމެއް ނެތްކަމަށެވެ. މިސަރުކާރުން ވެސް މިއަދާ ހަމައަށް ދެމިއޮތީ ދަރަނީގެ ދަންތުރަ ޖަހައިގެން ކަމަށއ ގާސިމް ވިދާޅުވިއެވެ.
ބުރުމާތިހެންކިޔާފަ އަނެއްކާ ވޯޓު ނުގަންނައްޗޭ، ތީ ބަސްއަހާ ކުށެއްނުކުރާ ތެދައްހުރި އަލިފެއްނުން، ހަމަބުނެލީ
ކޮންމެ ފަހަރަކު ގާސިމަށް ލަނޑު ދޭތީ މިފަހރު ލާރި ނުބަހަޔޯލަ! އެހެންމީހުން ބަހާތީ ދެރަވަނީ.