Sunday, 15 November 2026
Advertisement
Ooredoo — Article-Top (leaderboard)
ސިޔާސީ

އިންތިހާބު އަދި ނުނިމޭ، ދެވަނަ ބުރަށް ނިކުންނާނީ އިހުނަށް ވުރެ ވަރުގަދަކޮށް: އަލީ ޒާހިރު

އިންތިހާބު އަދި ނުނިމޭ، ދެވަނަ ބުރަށް ނިކުންނާނީ އިހުނަށް ވުރެ ވަރުގަދަކޮށް: އަލީ ޒާހިރު

ރިޔާސީ އިންތިހާބު އަދި ނުނިމޭ ކަމަށާއި ދެވަނަ ބުރަށް އެމްޑީޕީއާ ގުޅިފައިވާ ކޯލިޝަން ނިކުންނާނީ އިހުނަށް ވުރެ ވަރުގަދަކޮށް ކަމަށް ރައީސް އޮފީހުގެ ޗީފް އޮފް ސްޓާފް އަލި ޒާހިރު ވިދާޅުވެއްޖެއެވެ.

ރިޔާސީ އިންތިޚާބުގެ ފުރަތަމަ ބުރުގެ ނަތީޖާއާ ގުޅޭގޮތުން ވާހަކަދައްކަވަމުން ޒާހިރު ވިދާޅުވީ އެއްބުރުން ނުނިމުނު ކަމަށާއި އަދި ނިމުނީކީ ނޫން ކަމަށެވެ. އަދި ދެވަނަ ބުރަށް ދާނީ އިހުނަށް ވުރެ ވަރުގަދަކޮށް ކަމަށް ޒާހިރު ވިދަޅުވިއެވެ.

“ވޯޓުގައި ބައިވެރިވި ހުރިހާ ފަރާތްތަކަށް ޝުކުރު ދަންނަވަން” ޒާހިރު ވިދާޅުވިއެވެ.

Advertisement
Ooredoo — Square (box)

ޒާހިރު ވިދާޅުވީ ދެވަނަ ބުރެއްގައި ނިކުންނާނީ މިފަހަރު ވޯޓުގައި ބައިވެރިނުވެވުނު ހުރިހާ ބޭފުޅުންގެ ވޯޓާއެކު ކަމަށާއި އެންމެން އެކުގައި ރައީސް ޞާލިޙްއާއެކު އުފާވެރި އަމާން ރާއްޖެ ހޯދާނެ ކަމަށެވެ.

ނޫސްވެރިންގެ ސުވާލުތަކަށް ޖަވާބު ދެއްވަމުން ރައީސް ޞާލިޙް ރޭ ވިދާޅުވީ އިދިކޮޅު ޕީޕީއެމް-ޕީއެންސީން ވެސް ކޯލިޝަން ހެދުމަށް މަސައްކަތްކުރާނެ ކަމަށް ގަބޫލުފުޅު ކުރައްވާ ކަމަށާއި އެމްޑީޕީންވެސް ކޯލިޝަން ހެދުމަށް މަސައްކަތް ކުރާނެ ކަމަށެވެ.

އިންތިހާބުގެ ވަގުތީ ނަތީޖާ ދައްކާ ގޮތުން ރައީސް ޞާލިޙަށް ލިބިވަޑައިގަތީ 84،805 ވޯޓެވެ. އެއީ 39.04 އިންސައްތައެވެ. އަދި ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަށް ލިބިވަޑައިގަތީ 100،342 ވޯޓެވެ. އެއީ 46.19 އިންސައްތައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.