Monday, 16 November 2026
Advertisement
Allied Insurance (leaderboard)
ސިޔާސީ

މިއީ ފެށުމެއް، ދާނީ ކުރިޔަށް: އަމްރު

މިއީ ފެށުމެއް، ދާނީ ކުރިޔަށް: އަމްރު

މިއީ ފެށުމެއް ކަމަށާއި ދާނީ ކުރިޔަށް ކަމަށް ޑިމޮކްރެޓްސްގެ ރިޔާސީ ރަނިންމޭޓް ހުސެއިން އަމްރު ވިދާޅުވެއްޖެއެވެ.

ރިޔާސީ އިންތިޚާބުގެ ފުރަތަމަ ބުރުގެ ނަތީޖާއާ ގުޅޭގޮތުން ވާހަކަދައްކަވަމުން އަމްރު ވިދާޅުވީ މިއަދާ ހަމަޔަށް ޑިމޮކްރެޓްސް ކުރި ކެމްޕޭންގެ ކޮންމެ ކާމިޔާބީއެއް، ޚާއްސަކޮށް ޕާޓީ އުފެދިގެން އެންމެ 2 މަސްތެރޭ، ހާސިލްކުރެވުނީ ސެންޓްރަލް އަދި އަތޮޅުތަކުގެ އަދި ރަށްރަށުގެ ކެމްޕޭން ޓީމްތަކުގެ ބުރަ މަސައްކަތުން ކަމަށެވެ.

އަދި ވަކިން ޚާއްސަކޮށް ކެމްޕޭން ކޯޑިނޭޓަރުންނާ، މެންބަރުންނާ،
ދޮރުން ދޮރަށް ވަރުބަލި ކަމެއްނެތި ހިންގެވި ބޭފުޅުންނާ، ކުޅަދާނަ ކޮންޓެންޓް ކްރިއޭޓަރުންނާ، އަދި ކެމްޕޭން މުޅި ރާއްޖެއަށް ފަތުރާލަދިން މީޑިޔާ އަދި ސޯޝަލް މީޑިޔާ ޓީމްތަކަށް ހުއްޓުމެއް ނެތް ޝުކުރު ދަންނަވާ ކަމަށް އަމްރު ވިދާޅުވިއެވެ.

Advertisement
Allied — Dhen Online (box)

އަމްރު ވިދާޅުވީ މީ އާ ފެށުމެއް ކަމަށާއި ދާނީ ކުރިޔަށް ކަމަށެވެ.

ރިޔާސީ އިންތިހާބުގެ ވަގުތީ ނަތީޖާ ދައްކާ ގޮތުން ރައީސް ޞާލިޙަށް ލިބިވަޑައިގަތީ 84،805 ވޯޓެވެ. އެއީ 39.04 އިންސައްތައެވެ. އަދި ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަށް ލިބިވަޑައިގަތީ 100،342 ވޯޓެވެ. އެއީ 46.19 އިންސައްތައެވެ.

އިންތިހާބުގައި ދަ ޑިމޮކްރެޓްސްގެ ރިޔާސީ ކެންޑިޑޭޓް އިލްޔާސް ލަބީބަށް ލިބިފައިވަނީ 15،191 ވޯޓެވެ. އެއީ 6.99 ޕަސަންޓެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.