Saturday, 14 November 2026
Advertisement
Ooredoo — Airfibre (leaderboard)
ސަރުކާރު

އިންޑިއާ އައުޓް ކެމްޕޭނުގެ ނަތީޖާއަކީ ދިވެހިންނާއި އިންޑިއާ ދޭތެރޭ އޮތް ރަހުމަތްތެރިކަން ނަފްރަތަށް ބަދަލުވުން: ރޮޒެއިނާ

އިންޑިއާ އައުޓް ކެމްޕޭނުގެ ނަތީޖާއަކީ ދިވެހިންނާއި އިންޑިއާ ދޭތެރޭ އޮތް  ރަހުމަތްތެރިކަން ނަފްރަތަށް ބަދަލުވުން: ރޮޒެއިނާ

"އިންޑިއާ އައުޓް" ކެމްޕޭނުގެ ނަތީޖާއަކީ ދިވެހިންނާއި އިންޑިއާ ދޭތެރޭ އޮތް ޒަމާންވީ ރަހުމަތްތެރިކަން ނަފްރަތަށް ބަދަލުވުން ކަމަށް އައްޑޫ މީދޫ ދާއިރާގެ މެންބަރު ރޮޒެއިނާ އާދަމް ވިދާޅުވެއްޖެ އެވެ.

ރޮޒެއިނާ މިހެން ވިދާޅުވީ ގެންގުޅޭނީ އިންޑިއާ ފަސްޓް ޕޮލިސީ ކަމަށާއި އެއީ ރާއްޖެއާ އެންމެ ގާތް ގައުމު ކަމަށް ރިޔާސީ އިންތިހާބުގެ ފުރަތަމަ ބުރުން ކުރި ހޯއްދަވާފައިވާ ޕީޕީއެމް/ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒު ވިދާޅުވާ ވީޑިއޯއެއް ޓްވިޓާގައި ހިއްސާކުރުމަށް ފަހުއެވެ.

އެގޮތުން މުއިއްޒުގެ ވީޑިއޯ ކޮޅު ހިއްސާކުރެއްވުމަށްފަހު ރޮޒެއިނާ ވިދާޅުވީ އިދިކޮޅު ފަރާތްތަކުން ހިންގާ "އިންޑިއާ އައުޓް" ކެމްޕެއިނުގެ ބޭނުމަކީ ސަރުކާރާ މެދު ނަފްރަތު އުފެއްދުން ކަމަށެވެ.

Advertisement
HDC — Sidebar (box)

އަދި ރާއްޖޭގެ މިނިވަންކަމަށް ބުރޫ އަރާނެ ކަމެއް އިންޑިއާ އިން ނުކުރާނެކަން އެންމެ ރަނގަޅަށް އެނގޭނެ އެއް ބަޔަކީ ވެސް އިދިކޮޅު ކެންޑިޑޭޓް މުއިއްޒާ އެކު ތިއްބެވި ބޭފުޅުންނަށް ކަމަށް ރޮޒެއިނާ ވިދާޅުވެފައި ވެއެވެ.

ހަމަ އެހެންމެ އިންޑިއާ އައުޓް ކެމްޕޭނުގެ ހަމައެކަނި ނަތީޖާއަކީ ދިވެހިންނާއި އިންޑިއާ ދޭތެރޭ އޮތް ޒަމާންވީ ރަހުމަތްތެރިކަން ނަފްރަތަށް ބަދަލުވެ އެތައް ބައެއްގެ ހިތުގައި ހަގީގަތެއް ނެތް ބިރުވެރިކަން އުފެއްދުން ކަމަށް ރޮޒެއިނާ ވިދާޅުވެފައި ވެއެވެ.

މީގެ އިތުރުން މުއިއްޒުގެ ވެރިކަމެއް އަޔަސް އޮންނާނީ އިންޑިއާ ފަސްޓް ޕޮލިސީ ކަމަށާއި އެއްވެސް މީހަކު ބޭރެއް ވެސް ނުކުރާނެ ކަމަށާއި މިތާ ހިނގާ އޮޕަރޭޝަންސްތައް ކުރިޔަށް ދާނެ ކަމަށާއި އިންޑިއާ އައުޓް ކެމްޕޭނުގެ ހުރިހާ ގެއްލުމެއް ރައްޔިތުންނަށް ކަމަށް ރޮޒެއިނާ ވިދާޅުވެފައި ވެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.