އެމްޑީޕީއަކީ އަބަދުވެސް ތަފާތު ދައްކާނެ ޕާޓީއެއް: ރީކޯ މޫސަ

އެމްޑީޕީއަކީ އަބަދުވެސް ތަފާތު ދައްކާނެ ޕާޓީއެއް ކަމަށް މަޖިލީހުގެ ކުރީގެ ނައިބު ރައީސް ރީކޯ މޫސާ މަނިކު ވިދާޅުވެއްޖެއެވެ.
ރީކޯ މޫސް ކުރެއްވި ޓްވީޓެއްގައި ވިދާޅުވީ އެމްޑީޕީއަކީ އަބަދުވެސް ތަފާތު ދައްކާނެ ޕާޓީއެއް ކަަމަށެވެ. އަދި އެމްޑީޕީއަކީ ހިތްވަރުލައިގެން ވިސްނުންތެރިކަމާއެކު ސިޔާސީ މަސައްކަތް ކުރާޕާޓީއެއް ކަމަށާއި އެއީ ނާކާމިޔާބީގައި ވެސް ހިތްވަރުގަދަކޮށް ކުރިއަށްދާ ޮޕާޓީއެއް ކަމަށް ރީކޯ މޫސަ ވިދާޅުވިއެވެ.
"އިރާދަކުރެއްވިއްޔާ މިމަހުގެ 30ވަނަދުވަހު އިންތިޚާބު ކާމިޔާބުކުރުމުގާ ފަސްޖެހުމެއް ނެތް. ބާރަށް ކުރިއަށް" ރީކޯ މޫސް ވިދާޅުވިއެވެ.
މޫސަ މިފަދައިން ވިދާޅިވި އިރު ރިޔާސީ އިންތިހާބުގެ ކެންޕެއިނަށް އެމްޑީޕީގެ ރިޔާސީ ކެންޑިޑޭޓް ރައީސް އިބްރާހީމް މުޙައްމަދު ޞާލިޙް، މިއަދުން ފެށިގެން ކޮންމެ ދުވަހަކު މާލޭގެ ގެތަކަށް ވަޑައިގެން ކެމްޕެއިން ކުރެއްވުމަށް ވަނީ ނިންމާފައެވެ.
ގޭގެއަށް ވަޑައިގެން ތާއިދު ހޯއްދެއްވުމަށްޓަކައި ފެށްޓެވި ހަރަކާތުގައި އެމަނިކުފާނު މިއަދު ހަވީރު ވަނީ މައްޗަންގޮޅި އުތުރު ދާއިރާއާއި، މާފަންނު އުތުރު ދާއިރާގެ ގޭގެއަށް ވަޑައިގެން އެ ގެތަކުގައި ދިރިއުޅޭ މީހުންނާ ބައްދަލުކުރައްވާ ވަގުތު ހޭދަކުރައްވާފައެވެ. އަދި މިއީ އިންތިޚާބުގެ ފުރަތަމަ ބުރަށް ފަހު އެ މަނިކުފާނު މާލޭ ކެމްޕެއިންގައި ދޮރުންދޮރަށް ހިންގަވަން ފެއްޓެވި ފުރަތަމަ ފަހަރެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.