Tuesday, 17 November 2026
Advertisement
HDC — Share-Below (leaderboard)
ސިޔާސީ

ރިޔާސީ އިންތިޚާބުގެ ދެވަނަ ބުރަށް ބަދަލުތަކެއް ގެނެސްފި

ރިޔާސީ އިންތިޚާބުގެ ދެވަނަ ބުރަށް ބަދަލުތަކެއް ގެނެސްފި
ރިޔާސީ އިންތިޚާބުގެ ފުރަތަމަ ބުރުގައި ވޯޓު ލުމުގެ ކަންކަން ކުރިއަށްދިޔައިރު ދިމާވި ދަތިތަކާއި، ފާހަގަކުރެވިފައިވާ ކަންތައްތަކާއި، ވޯޓުލީ މީހުންނާއި ޕާޓީތަކުން ކޮށްފައިވާ ޝަކުވާތަކަށް ބަލައި، އިންތޮޚާބުގެ ދެވަނަ ބުރުގައި ބަދަލުތަކެއް ގެނެސްފައިވާކަމަށް އިލެކްޝަންސް ކޮމިޝަން (އީސީ) އިން ވިދާޅުވެއްޖެއެވެ. މިއަދު ދަރުބާރުގޭގައި ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން އީސީގެ ނާއިބު ރައީސް ޙަބީބު ވިދާޅުވީ ދެވަނަ ބުރުގައި ވޯޓުލުމަށް ގެނެވުނު ބަދަލުތަކުގެ ތެރޭގައި ވޯޓުލާ ބޫތުގެ ޑިޒައިންނަށް ގެނެވުނު ބަދަލާއި، ވޯޓު ކަރުދާހުގައި ފާހަގަ ޖަހަން ބޭނުންކުރާ ގަލަންތައް ރަނގަޅު ދެލި ހިނގާ ގަލަންތަކަކަށް ބަދަލުކުރުމާއި، ވޯޓު ކަރުދާހުގައި ފާހަގަ ޖަހަން ކަރުދާސްކޮޅު ބާއްވާ ތަނުގައި ބްރިސިލްބޯޑެއް ބޭއްވުން ހިމެނެއެވެ. "ވަރަށް ބޮޑަށް ޝަކުވާ ލިބިފައި ހުރީ ބާޠިލް ވޯޓު ކަނޑައެޅުމުގައި އެކި މަރުކަޒުތަކުގައި އެކި ގޮތަށް ޢަމަލުކޮށްފައިވާ ކަމުގެ. ޞައްހަ ވޯޓާއި ބާޠިލް ކަނޑައެޅުމުގައި ބައެއް މަރުކަޒުތަކުގައި އެބަހުރި ގޮންޖެހުންތައް ދިމާވެފައި" ޙަބީބް ވިދާޅުވިއެވެ. މިމަހު 9 ވަނަ ދހުވަހު ބޭއްވުނު ރިޔާސީ އިންތިޚާބުގެ ފުރަތަމަ ބުރުގައި 4000 އަށް ވުރެ ގިނަ ވޯޓު ކަރުދާސް ބާޠިލްކަމަށް ވަނީ ކަނޑައަޅާފައެވެ. މީގެ ތެރެއިންވެސް ގިނަ ވޯޓު ބާޠިލްވެފައިވަނީ ފާހަގަ މަތިން ދެ ފަހަރަށް ފާހަގަ ޖަހާފައި ހުރުމުންނެވެ. އީސީގެ އުޞޫލުގައި ވާގޮތުން އެއް ފާހަގަ އަށް ވުރެ ގިނައިން ވޯޓު ކަރުދާހުގައި ލާފައިވާ ނަމަ، ވޯޓު ބާޠިލްވާނެއެވެ. މިކަމާއި ގުޅިގެން ޕާޓީތަކުން އިލެކްޝަން ކޮމިޝަނަށް ވަރަށް ބޮޑަށް ފާޑުކިޔާފައިވެއެވެ. އިސްމާޢިލް ޙަބީބު ވިދާޅުވީ ވޯޓު ކަރުދާހުގައި ފާހަގަ ޖަހަން ފަސޭހަ ކޮށްދިނުމުގެ ގޮތުން، ވޯޓު ކަރުދާހުގައި ފާހަގަޖެހުމަށް ކަރުދާސްކޮޅު ބާއްވާ ތަނުގައި މީގެ ފަހުން ބްރިސިލްބޯޑެއް އޮންނާނެ ކަމަށެވެ. އަދި ވޯޓު ކަރުދާހުގައި ފާހަގަޖެހުމަށް ބޭނުންކުރާ ގަލަންތައްވެސް ދެލި ހިނގާ ގަލަންތަކަކަށް ބަދަލުކުރެވިފައިވާނެކަމަށާއި، ގަލަމުން ދެލި ނުހިނގައިގެން ދެން އުޅޭކަށް ނުޖެހޭނެކަމަށެވެ. މީގެ އިތުރުން ވޯޓު ލުމަށް ބޫތުގެ ތެރެއަށް ވަރަށް ބޮޑަށް ވަންނަން ޖެހޭ ގޮތަށް ބޫތުގެ ޑިޒައިން ބަދަލުކޮށްފައިވާނެކަމަށް ޙަބީބު ވިދާޅުވިއެވެ. "މިހާރު ފާހަގަ ޖަހާއިރު ފާހަގަ ޖަހާ މީހާ ތަންކޮޅެއް ބޫތުގެ އެތެރެއަށް ވަންނަ ކަހަލަ ޑިޒައިނަކަށް ބަދަލުކުރީ، އެހެންވީމަ އޭނައަށް މަޖުބޫރުވާނެ އެތެރެއަށް ވަންނަން ފާހަގަ ޖަހާ ކަމަށްވާނަމަ" ޙަބީބު ވިދާޅުވިއެވެ. "ފަސޭހަ ވާނެ މިހާރު ފާހަގަ ޖަހަން، އަޅުގަނޑުމެން ޓެސްޓް ވެސް ކޮށްފިން. އެއްވެސް މައްސަލައެއް ނުޖެހޭނެ ފާހަގަލުމުގައި" އޭނާ ވިދާޅުވިއެވެ. ޙަބީބު ވިދާޅުވީ ފުރަތަމަ ބުރުގެ ތަޖުރިބާއަށް ބަލައި ދިމާވި ކަންކަން ދެވަނަ ބުރަށް ރަނގަޅހު ކޮށްފައިވާނެކަމަށެވެ. އަދި އޮޝަލުން އެކަންކަމަށް ހޭލުންތެރިކުރުމަށް އިތުރަށް ޓްރެއިނިންތައް ބާއްވަމުން އަންނަކަމަށްވެސް އޭނާ ވިދާޅުވިއެވެ. ޚާއްސަ ގޮތެއްގައި ވޯޓުގެ ޞައްހަކަން ކަށަވަރުކުރުމުގެ ގޮތުން، ކޮމިޝަނުން ދީފައިވާ އިރުޝާދުތަކަށް މަރުކަޒުގެ އޮފިޝަލުން އަހުލުވެރިކުރުމުގެ މަސައްކަތްކުރަމުން އަންނަކަމަށް އޭނާ ވިދާޅުވިއެވެ.

"ވަރަށް ބޮޑަށް ޝަކުވާ ލިބިފައި ހުރީ ބާޠިލް ވޯޓު ކަނޑައެޅުމުގައި އެކި މަރުކަޒުތަކުގައި އެކި ގޮތަށް ޢަމަލުކޮށްފައިވާ ކަމުގެ. ސައްހަ ވޯޓާއި ބާޠިލް ކަނޑައެޅުމުގައި ބައެއް މަރުކަޒުތަކުގައި އެބަހުރި ގޮންޖެހުންތައް ދިމާވެފައި" ޙަބީބް ވިދާޅުވިއެވެ.

"ވަރަށް ބޮޑަށް މޮނީޓަރުންނާއި އޮބްޒާވަރުން މަރުކަޒުގެ ވެރިންގެ މައްޗަށް ނުފޫޒު ފޯރުވައިގެން ސައްހަ ވޯޓު ބާޠިލް ވޯޓަކަށް ބަދަލުކޮށްފައި އެބަހުރި. އެއީ ވަރަށް ނުރައްކާ ކަމެއް."

ރިޔާސީ އިންތިޚާބުގެ ދެވަނަ ބުރު މިމަހުގެ 30 ވަނަ ދުވަހު ބޭއްވުމަށް ހަމަޖެހިފައިވާއިރު، ދެވަނަ ބުރުގައި އިތުރު 12 ފޮށި ބެހެއްޓުމަށް ނިންމާފައިވާކަމަށް އިލެކްޝަން ކޮމިޝަނުން ވަނީ މަޢުލޫމާތު ދެއްވާފައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.