ޕީޕީއެމްގެ ސަރުކާރެއްގައި އުތުރު ތިލަފަޅަށް ދިޔަ ނަމަ، އެ މީހުންނަށް އަނބުރާ މާލެ ނާދެވޭނެ: އިމްރާން

ޕީޕީއެމްގެ ސަރުކާރެއްގައި އުތުރު ތިލަފަޅަށް ދިޔަ ނަމަ، އެ މީހުންނަށް އަނބުރާ މާލެ ނާދެވޭނެ ކަމަށް ހޯމް މިނިސްޓަރު އަދި އަދާލަތު ޕާޓީގެ ރައީސް އިމްރާން އަބްދުﷲ ރޭ ވިދާޅުވެއްޖެއެވެ.
ސޯސަން މަގާއި އަމީރު އަހުމަދު ގުޅޭ ކަންމަތީގައި ހުންނަ އެމްޑީޕީގެ 'ސޯސަން ޖަގަހަ'އިގައި ރޭ ބޭއްވި އެމްޑީޕީގެ ކެމްޕޭން ޖަލްސާގައި ވާހަކަ ދައްކަވަމުން، ހޯމް މިނިސްޓަރު ވިދާޅުވީ <b>'</b>ދިޔަރެސް'ގެ ނޫސްވެރިންތަކެއް އުތުރު ތިލަފަޅަށް ގޮސް ސިފައިންގެ ބަނދަރު ތެރެއަށް ވަދެ، ވީޑިއޯކޮށް، އެ ރަށަށް އެރުމަށް މަސައްކަތްކޮށްފައިވާ ކަމަށެވެ.
ނަމަވެސް ރައީސް ޞާލިޙްގެ އޯގާތެރިކަމުން އެކަމާ ގުޅޭގޮތުން ސުވާލެއް ވެސް ނުކުރާ ކަމަށާއި މުޅި ދަޢުލަތް ވެސް ފުނޑުފުނޑު ކުރަމުންދާ ކަމަށް އިމްރާން ވިދާޅުވިއެވެ.
އިމްރާން ވިދާޅުވީ އެއީ ޕީޕީއެމްގެ ވެރިކަމެއްގައި ހިނގި ކަމެއް ނަމަ، އުތުރުތިލަ ފަޅަށް ދިޔަ މީހުންނަށް އަނބުރާ މާލެ ވެސް ނާދެވޭނެ ކަމަށެވެ.
ފަނަރަ ހެކްޓަރުގެ ބިން ހިއްކައިގެން މިދިޔަ ޖެނުއަރީ މަހު ތަރައްގީ ކުރަން ފެށި އުތުރުތިލަފަޅުން، ގޯތި ދޭން ނިންމާފައިވާ ކަމަށް މިމަހު 23 ވަނަ ދުވަހުގެރޭ ރައީސް ޞާލިޙު ވަނީ އިޢުލާނު ކުރައްވާފައެވެ.
ނަމަވެސް އުތުރުތިލަފަޅަށް ދިވެހި ސިފައިންގެ ބާރު ނުހިނގާ ކަމަށް ޕީޕީއެމް/ޕީއެންސީގެ ރިޔާސީ ކެންޑިޑޭޓް، ޑރ.މުޙައްމަދު މުޢިއްޒު ވަނީ ވިދާޅުވެފައެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.