އެމްޑީޕީ ދާނީ ބާރަށް ކުރިއަށް، ފަހަތަށް ބެލުމެއް ނެތް: ރޮޒައިނާ

ރިޔާސީ އިންތިޚާބުގައި އެމްޑީޕީއަށް ނާކާމިޔާބު ލިބިވަޑައިގެންނެވިނަމަވެސް އެ ޕާޓީ ދާނީ ބާރަށް ކުރިއަށް ކަމަށާއި ފަހަތަށް ބެލުމެއް ނެތްކަމަށް މަޖިލީހުގެ އައްޑޫ މީދޫ ދާއިރާގެ މެމްބަރު، ރޮޒައިނާ އާދަމް ވިދާޅުވެެއްޖެއެވެ.
ރޮޒައިނާ މިހެން ވިދާޅުވެ މިރޭ ޓްވީޓެއް ކުރައްވާފައިވަނީ، ރިޔާސީ އިންތިޚާބުގެ ދެވަނަ ބުރުގެ މެޖޯރިޓީ ހޯއްދަވައި ދިވެހިރާއްޖޭގެ ދެވަނަ ޖުމްހޫރިއްޔަގެ 8 ވަނަ ރައީސްގެ މަގާމު ޕީއެންސީގެ ކެނޑިޑޭޓު އަދި އިންތިޚާބީ ރައީސް، ޑރ. މުޙައްމަދު މުޢިއްޒު ކަށަވަރު ކުރެއްވުމާއި ގުޅިގެންނެވެ.
އެގޮތުން، އިންތިޚާބުގައި އައްޑޫ މީދޫ ދާއިރާގެ މެޖޯރިޓީ ރައީސް އިބްރާޙިމް މުޙައްމަދު ޞާލިޙު އަށް އަށް ދެއްވިކަމަށްޓަކައި އެ ދާއިރާގެ ހުރިހާ ރައްޔިތުންނަށް ރޮޒައިނާ ވަނީ ޝުކުރު އަދާކުރައްވާފައެވެ.
https://twitter.com/roxeyna/status/1708153852594389131?s=46
މިއަދު ކުރިއަށް ދިޔަ ރިޔާސީ އިންތިހާބުގެ ދެވަނަ ބުރުގެ ވަގުތީ ނަތީޖާ ދައްކާގޮތުން ޑރ. މުޙައްމަދު މުޢިއްޒަށް ލިބިވަޑައިގަތީ 126,265 ވޯޓެވެ. އަދި އެމްޑީޕީގެ ކެންޑިޑޭޓް, ރައީސް އިބްރާހީމް މުޙައްމަދު ޞާލިޙަށް ލިބިވަޑައިގަތީ 105,158 ވޯޓެވެ.
ރިޔާސީ އިންތިޚާބުގެ ފުރަތަމަ ބުރުގައިވެސް އެންމެ ގިނަ ވޯޓު ހޯއްދެވީ މުއިއްޒެވެ. އެމަނިކުފާނަށް ފުރަތަމަ ބުރުގައި 110،000 އަށްވުރެ ގިނަ ވޯޓު ލިބިވަޑައިގަތެވެ.







ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.