އިމްރާންގެ ނަޞޭހަތް އިންތިޚާބީ ރައީސް މުޢިއްޒުއަށް: މި ހަލަބޮލި ދުވަސްވަރު ސާބިތުވެ ހުންނަވާ

ރިޔާސީ އިންތިހާބު ކާމިޔާބު ކުރެއްވި ޑރ. މުޙައްމަދު މުޢިއްޒަށް ހޯމް މިނިސްޓަރު އަދި އަދާލަތު ޕާޓީގެ ރައީސް އިމްރާން އަބްދުﷲ މަރުޙަބާ ވިދާޅުވެ، ނަޞޭހަތެއްވެސް ދެއްވައިފިއެވެ.
އިމްރާން މިއަދު ކުރެއްވި ޓްވީޓެއްގައި މުޢިއްޒުއަށް މަރުޙަބާ ދަންނަވަމުން ވިދާޅުވީ، ރައްޔިތުން ގޮތް ނިންމައިފިކަމަށާއި އިންތިޚާބީ ރައީސް މުޢިއްޒުއަށް ގުޅުއްވައި އެމަނިކުފާނަށް މަރުޙަބާ ދަންނަވައިފި ކަމަށެވެ.
https://twitter.com/shimranab/status/1708349873928733023?s=46
މީގެ އިތުރުން އިމްރާން ވަނީ ރާއްޖޭގެ މި ހަލަބޮލި ދުވަސްވަރު ވެރިކަންކުރުމަކީ ފަސޭހަކަމެއްކަމަށް ނުފެންނަކަމަށް ވިދާޅުވެ، އެހެންކަމުން ހެޔޮގޮތުގައި ސާބިތުވެ ހުންނެވުމަށް މުޢިއްޒުއަށް ނަޞޭހަތްތެރިވެފައެވެ.
މުއިއްޒު އިންތިހާބު ކާމިޔާބުކުރެއްވީ 126,842 ވޯޓުންނެވެ. އެއީ ވޯޓްލީ މީހުންގެ 53.0 ޕަސެންޓެވެ. އެމްޑީޕީގެ ކެންޑިޑޭޓް ރައީސް ސޯލިހަށް ލިބިވަޑައިގަތީ 108,500 ވޯޓެވެ. އެއީ ވޯޓްލީ މީހުންގެ 46.1 ޕަސެންޓެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.