ނިޒާމީ ވޯޓަކަށް ގޮސްފި ނަމަ ރިޔާސީ ނިޒާމް ރާއްޖޭގައި ބޭއްވުމަށްޓަކައި ކުރަންޖެހޭ އަމަލީ މަސައްކަތްތައް ކުރާނަން: ރައީސް ޞާލިޙް

ނިޒާމީ ވޯޓަކަށް ގޮސްފި ނަމަ ރިޔާސީ ނިޒާމް ރާއްޖޭގައި ބޭއްވުމަށްޓަކައި ކުރަންޖެހޭ އަމަލީ މަސައްކަތްތައް ކުރާނެ ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ރައީސް ޞާލިޙް ވިދާޅުވެއްޖެއެވެ.
މިހާރު ކުރިޔަަށްދާ އެމްޑީޕީގެ ޤައުމީ މަޖިލީހުގެ ޖަލްސާގައި ވާހަކަފުޅު ދައްކަވަމުން ރައީސް ޞާލިޙް ވިދާޅުވީ ރާއްޖެއަށް އެންމެ ރަނގަޅު ކަމަށް ދެކެނީ ރިޔާސީ ނިޒާމް ކަމަށާއި އެމަނިކުފާނުގެ ތާއީދުވެސް އޮތީ އެ ނިޒާމަށް ކަމަށެވެ. ރިޔާސީ އަދި ބަރުލަމާނީ ނިޒާމުގައި ރަނގަޅު ކަންކަމާއި ނުރަނގަޅު ކަންކަން ހުރި ނަމަވެސް އެމަނިކުފާނު ގަބޫލުކުރައްވާ ގޮތަކީ އެއީ ކަމަށް ރައީސް ޞާލިޙް ވިދާޅުވިއެވެ.
"އަޅުގަނޑު ގަބޫލުކުރާ ގޮތުގަ މި ދެ ނިޒާމްގަވެސް ރަނގަޅު ކަންކަމާއި ގޯސް ކަންތައްތައް ހުރި ނަމަވެސް މި ރާއްޖެއަށް އެންމެ ރަނަގޅު ނިޒާމް ކަމަށް އަޅުގަނޑަށް ފެންނަނީ ރިޔާސީ ނިޒާމް, އަޅުގަނޑުގެ ތާއީދުވެސް އޮތީ ރިޔާސީ ނިޒާމަށް<span class="s1">" ރައީސް ޞާލިޙް ވިދާޅުވިއެވެ.</span>
ރައީސް ޞާލިޙް ވިދާޅުވީ ނިޒާމީ ވޯޓަކަށް ގޮސްފިނަމަ ރިޔާސީ ނިޒާމް ރާާއްޖޭގަިއ ބޭއްވުމަށް ކުރަން ޖެހޭ އަމަލީ މަސައްކަތް ކުރައްވާނެ ކަމަށެވެ.
ވެރިކަމުގެ ނިޒާމާއި ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް މަޖިލީހުން ވަނީ ގަރާރެއް ފާސްކޮށްފައެވެ. މިއާއެކު އީސީން ބުނެފައިވަނީ އޮކްޓޯބަރި 29ގައި ނިޒާމީ ވޯޓެއް ނެގުމަށް މަސައްކަތް ކުރަމުން އަންނަކަމަށެވެ. ނަމަވެސް އެކަން ކުރެވޭނީ ރައްޔިތުން ގާތު އަހަންވީ ސުވާލު ސާފުވެ، ބަޖެޓު ހަމަޖެހުމުންކަމަށް އީސީން ވަނީ ބުނެފައެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.