އޮމަދޫން 3 ކުއްޖަކު ކޮވިޑަށް ފައްސިވެއްޖެ

ތ. އޮމަދޫން ތިން ކުއްޖަކު ކޮވިޑް-19 އަށް ފައްސިވެއްޖެއެވެ.

Ads by Hajj Corporation

ހެލްތު އެމަޖެންސީ އޮޕަރޭޝަަން ސެންޓަރު (އެޗްއީއޯސީ) އިން ބުނީ އޮމަދޫން ކޮވިޑަށް ފައްސިވީ ދެ އަހަރުގެ ފިރިހެން ކުއްޖަކާއި ހަތަރު އަހަރުގެ އަންހެން ކުއްޖަކާއި 11 އަހަރުގެ ފިރިހެން ކުއްޖެއް ކަމަށެވެ.

ތިން ކުދިން ވެސް ފައްސިވީ މާލެ އިން ރަށަށް ގޮސް ކަރަންޓީން ފުރިހަމަ ކުރުމަށް ފަހު ހެދި ޓެސްޓުން ކަމަށް ވެސް އެޗްއީއޯސީން ބުނެފައިވެއެވެ.

އޮމަދޫގެ އިތުރުން ރ. ދުވާފަރުން ތިން އަހަރުގެ ކުޑަކުއްޖަކާއި 55 އަހަރުގެ މީހަކު އިއްޔެ ވަނީ ފައްސި ވެފައިވެ އެވެ. އަދި އެ އަތޮޅު ކިނޮޅަހުގައި ހޯމް ކަރަންޓިނުގައި ހުރި ފިލިޕީންސްގެ 53 އަހަރުގެ މީހަކު ވެސް ފައްސި ވެފައިވާއިރު ކ. ހިންމަފުށީ ރިހިބިލިޓޭޝަން ސެންޓަރުން 32 އަހަރުގެ ފިރިހެނަކާއި 33 އަހަރުގެ ފިރިހެނަކު ވަނީ ފައްސި ވެފައެވެ.