ސޭޓުގެ ކަރަށް ވަޅިން ހަމަލާދިން އަންހެން މީހާގެ ބަންދަށް 15 ދުވަސް

މާލޭގެ ފިހާރައަކަށްވަދެ މީހަކަށް ވަޅިން ހަމަލާދިން މައްސަލައިގައި ހައްޔަރުކުރި އަންހެން މީހާގެ މީހާގެ ބަންދަށް މުއްދަތު ޖަހައިފިއެވެ.

މައުލޫމާތު ލިބޭގޮތުގައި އުމުރުން 29 އަހަރުގެ އެ އަންހެން މީހާގެ ބަންދުގެ މުއްދަތަކަށް ޖަހާފައިވަނީ 15 ދުވަހުގެ މުއްދަތެކެވެ.

އިއްޔެގެ ހެނދުނުގެ ވަގުތެއްގައި ހިނގި އެ ހާދިސާގައި ތޫނު އެއްޗަކުން ފިރިހެނަކަށް ހަމަލާދީފައިވާތީ 29 އަހަރުގެ އަންހެނަކު ހައްޔަރުކޮށް ޒަޙަމްވި ފިރިހެން މީހާއަށް އޭޑީކޭއިން ފަރުވާދީފައިވާއިރު އޭނާގެ ހާލު ރަނގަޅުކަމަށް މައުލޫމާތު ލިބެއެވެ.

މިއީ ކިހިނެއް ހިނގައިދިޔަ ހާދިސާއެއް ކަމެއް ފުލުހުން ހާމަކޮށްފައިނުވާއިރު، މި މައްސަލަ އިތުރަށް ތަޙްޤީޤް ކުރަމުން އަންނަ ކަމަށް ފުލުހުން ވިދާޅުވެއެވެ.