Monday, 16 November 2026
Advertisement
Allied Insurance (leaderboard)
ސިޔާސީ

އިތުބާރު ނެތްކަމުގެ މައްސަލަ ކުރިއަށް ގެންދެވިދާނެތޯ ނުވަތަ ނޫންތޯ ކަނޑައެޅުމުގެ އިޚްތިޔާރު ރައީސް ނަޝީދަށް ނޯންނާނެ: އަސްލަމް

އިތުބާރު ނެތްކަމުގެ  މައްސަލަ ކުރިއަށް ގެންދެވިދާނެތޯ ނުވަތަ ނޫންތޯ ކަނޑައެޅުމުގެ އިޚްތިޔާރު ރައީސް ނަޝީދަށް ނޯންނާނެ: އަސްލަމް
ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދަކީ އެމަނިކުފާނުފެ އިތުބާރު ނެތްކަމުގެ މައްސަލަ ކުރިއަށް ގެންދެވިދާނެތޯ ނުވަތަ ނޫންތޯ ކަނޑައެޅުއްވުމުގެ އިޚްތިޔާރު ލިބިވަޑައިގަންނަވާ ބޭފުޅެއް ނޫންކަމަށް ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ވިދާޅުވެއްޖެ އެވެ. އެމްޑީޕީން މިހާރު ކުރިއަށްގެންދާ ނޫސްވެރިންގެ ބައްދަލުވުމުގައި އަސްލަމް މިހެން ވިދާޅުވީ، ދެވަނަ ފަހަރަށް އިތުބާރު ނެތް ކަމުގެ މައްސަލަ ހުށަހެޅުމުން ބަލައިގަންނަން ދަތިވާނެ ކަމަށް ރައީސް ނަޝީދު ވިދާޅުވުމާއި ގުޅިގެން ނޫސްވެރިޔަކު ކުރެއްވި ސުވާލަށް ޖަވާބުދެއްވަމުންނެވެ. "މި މައްސަލަ ކުރިއަށް ގެންދެވިދާނެތޯ ނުވަތަ ނޫންތޯ ކަނޑައެޅުއްވުމުގެ އިޚްތިޔާރު ލިިބިވަޑައިގަންނަވާ ފަރާތެއް ނޫން މަޖިލީހުގެ ރައީސަކީ. އާންމު ހަމަތަކާއި އުޞޫލުތަކަށް ބަލާލެވޭއިރުވެސް އެފަރާތެއްގެ އިތުބާރު ނެތްކަމަށް ހުށަހެޅުނީމާ އެކަން ކުރެވިދާނެތޯ ނުވަތަ ނޫންތޯ އެފަރާތަކުން.... އެކަން ނިންމަވާނީ މަޖިލީހުގެ އަމީން އާންމު" އަސްލަމް ވިދާޅުވިއެވެ. މީގެ އިތުރުން، މަޖިލީހުގެ އަމީން އާންމު އެ ނިންމެވުން ނިންމަވާނީ މަޖިލީހުގެ ކައުންސިލް ޖެނެރަލްގެ ލަފާގެ މަތިންކަމަށް ޤަބޫލުކުރައްވާކަމަށްވެސް އަސްލަމް ވިދާޅުވިއެވެ. "މަޖިލީހުގެ ޤަވާއިދުގައި އެއްވެސް މާއްދާއެއްގައި މަޖިލީހުގެ ރައީސްގެ އިތުބާރު ނެތްކަމުގެ ޤަރާރެއް މައްސަލައެއްގެ ގޮތުގައި ހުށައެޅޭ ޤަރާރެއް ހުށަނޭޅޭނެ ކަމަކަށް، އަދި އަޅުގަނޑުމެން ހުށަހަޅާފައި އޮތް ހަމަތަކުގެ މަތިން ހުށަނޭޅޭނެކަމަށް ބުނުމުގެ ހުއްޖަތެއް އަޅުގަނޑުމެންނަކަށް ފާހަގަނުވޭ" އަސްލަމް ވިދާޅުވިއެވެ. ހަމައެއާއެކު، މިއަދުގެ ޖަލްސާ ނިންމަވާލި ގޮތާމެދުވެސް އެމްޑީޕީގެ ކަންބޮޑުވުން ހުރިކަން ފާހަގަކުރައްވަމުން އަސްލަމް ވިދާޅުވީ، މިއަދުގެ ޖަލްސާ ނިންމަވާލެއްވީ އާންމުގޮތެއްގައި ޢަމަލުކުރައްވާ ގޮތަށް ނޫންކަމަށާއި މަޖިލިސް ފެށޭ ގަޑީގައި ކޯރަމް ހަމަ ނުވިޔަސް، ކޯރަމް ހަމަވަންދެން ރިޔާސަތުން ވަގުތުކޮޅެއް ދެއްވާކަމަށާއި ޖަލްސާ ނިންމަވާލެއްވީ ދެން ޖަލްސާއެއް އޮންނާނެ ދުވަހެއްވެސް އިޢުލާނު ނުކުރައްވައިކަމަށެވެ. "އެގޮތުން އެނގިވަޑައިގަންނަވާނެ ޖަލްސާ ފެށޭގަޑީގައި ވަރަށް ގިނަ ދުވަސްދުވަހު ކޯރަމް ހަމަނުވީމަ، ކޯރަމް ހަމަވަންދެން މަޖިލީހުގެ ރިޔާސަތުން ކޮންމެވެސް ވަރަކަށް ޖާގަ ދެއްވާ، އަދި ޖަލްސާ މެދުކަޑުވާލެއްވުމަށްފަހުވެސް ހަމަ އެދުވަހު އެހެން ގަޑިއެއް ދެއްވުމަށްފަހު ޖަލްސާ ކުރިއަށް ގެންދަވާ. އެހެންނަމަވެސް، މިއަދު އަމަލުކުރެއްވީ އާންމުކޮށް ކޯރަމް ހަމަނުވެގެން ޖަލްސާ ނިންމަވާލެއްވުމުގަ އާންމުކޮށް މި ފަހުގެ ތާރީޚުތަކުގައި އަމަލުކުރެވޭ އުޞޫލުންނެއް ނޫން. އެއީ މިއަދުގެ ޖަލްސާ ނިންމަވާލެއްވުމަށްފަހު ވަކި ތާރީޚެއްވެސް އިޢުލާނު ނުކުރައްވާ މަޖިލިސް ނިންމަވާލެއްވީ" އަސްލަމް ވިދާޅުވިއެވެ. ކޯރަމް ހަމަނުވެގެން މިއަދުގެ ޖަލްސާ ނިންމާލާފައިވާއިރު، ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދުގެ އިތުބާރު ނެތްކަމުގެ މައްސަލަ މިހާރުވަނީ މަޖިލީހަށް ހުށަހަޅާފައެވެ. އަދި އެމްޑީޕީ ޕާލިމެންޓަރީ ގުރޫޕުން މިއަދު އެ މައްސަލައިގެ ކަރުދާސް ހުށަހަޅުއްވާނެކަމަށް ވިދާޅުވެފައިވެއެވެ.

48 މެމްބަރުންގެ ސޮޔާއެކު އިއްޔެ މަޖިލީހަށް އެ މައްސަލަ ހުށަހަޅާފައިވާއިރު، އެމްޑީޕީގެ ޕާލަމެންޓަރީ ގްރޫޕުން އެ މައްސަލަ ފާސްކުރީ އިއްޔެ ބޭއްވި އެމްޑީޕީގެ ބައްދަލުވުމުގައި ބައިވެރިވެވަޑައިގެންނެވި މެމްބަރުންގެ އިއްތިފާގުންނެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.